Bakı, VOA

İraq hökuməti Ərbil, Duhok və Kərkük vilayətlərində baş verən yanğınların arxasında PKK üzvlərinin olduğunu rəsmən açıqlayıb və PKK-nın paytaxt Bağdadın bəzi bölgələrində terror aktları törətməyi planlaşdırdığını bildirib.

İraq Daxili İşlər Nazirliyinin sözçüsü briqada generalı Miqdad Miri Bağdadda İraq Kürd Regional Rəhbərliyinin (KRH) Daxili İşlər Nazirliyi ilə birgə keçirdiyi mətbuat konfransında bildirib ki, Ərbil, Duhok və Kərkük vilayətləri İraq Daxili İşlər Nazirliyi və IKBY Daxili İşlər Nazirliyi tərəfindən diqqətlə təqib edilir.

“Adı çəlilən bölgələrdə PKK terrorçuları saxlanılıb. Onlar Federal Kəşfiyyat və Təhqiqat Agentliyi tərəfindən araşdırılır və mühakimə olunacaqlar. İki şübhəli Kərkük vilayətində, bir şübhəli isə Diyala vilayətində tutulub. Bu şəxslərin saxlanılması yüksək koordinasiya ilə həyata keçirilib. Kərkük, Duhok və Ərbildə baş verən yanğınlardan sonra baş nazir Məhəmməd Şia əl-Sudaninin və daxili işlər naziri Əbdüləmir əl-Şəmmarinin nəzarəti altında doğru məlumat əldə etmək üçün əməliyyat qrupu yaradılıb. ”-deyə o bildirib.

Bağdadda xaosa səbəb olmaq planlaşdırılır.

İraq Daxili İşlər Nazirliyinin sözçüsü, həbs edilənlərin etiraflarında Ceyhan heft kəmərinə də hücüm hazırlığının olduğunu bildirib.

"Onlar İraqın iki qonşu ölkəsini hədəf almağı planlaşdırıblar və Ceyhan neft kəmərini də hədəfə almağı planlaşdırıblar. Eyni zamanda PKK terrorçuları Ərbildəki və Bağdaddakı strateji obyektlərə hücüm hazırlayaraq paytaxtda xaos yatarmaq niyyətində olublar.”-deyə o bildirib.