İraq Prezidenti Nizar Amidi ölkədə silahların yalnız dövlətin nəzarətində olması prosesi çərçivəsində 2-3 silahlı qrupun hələ silahlarını təhvil vermədiyini, danışıqların isə davam etdiyini bildirib. Amidinin sözlərinə görə, İraq Konstitusiyası silahların dövlətin əlində cəmləşdirilməsini tələb edir. O, Haşdi Şabi qüvvələrini və digər silahlı qrupları silahlarını təhvil verməyə, təhlükəsizlik qüvvələrinə inteqrasiya olunmağa və siyasi prosesdə iştirak etməyə çağırıb.

İraqın Baş naziri Əli əz-Zeydi ölkədə sənaye şəhərlərinin yaradılması, hava limanlarının tikintisi və dəmir yolu xətlərinin çəkilməsini nəzərdə tutan İnkişaf Yolu layihəsinə xüsusi diqqət yetirilməsini tapşırıb. İraq Baş Nazirliyinin mətbuat xidmətinin məlumatına görə, Zeydi Milli İnvestisiya Şurasına baş çəkərək ölkənin müxtəlif vilayətlərində həyata keçirilən investisiya layihələri və onların icra mexanizmləri ilə tanış olub.

İran parlamentinin sədri Məhəmməd Baqir Qalibaf cümə axşamı günü ölkəsinin İraq hökumətinin silahların nizamlanması və Silahlı Qüvvələrin Ali Baş Komandanının tabeliyinə verilməsi ilə bağlı hüquqi çərçivənin yaradılması proqramını dəstəklədiyini, həmçinin iki ölkə arasında imzalanmış təhlükəsizlik sazişlərinə sadiq olduğunu təsdiqləyib.

İraqın Baş naziri Əli əz-Zeydi İran parlamentinin sədri Məhəmməd Baqir Qalibafla görüşüb. İraqın baş naziri İranın ölkəsinə göstərdiyi dəstəyi yüksək qiymətləndirib. O, xüsusilə təxminən 10 il əvvəl İŞİD-ə qarşı mübarizə zamanı Tehranın tutduğu mövqeyi qeyd edib. Görüşdə İran və İraq arasında əməkdaşlığın gələcək istiqamətləri müzakirə olunub. Tərəflər müxtəlif sahələrdə birgə fəaliyyətin genişləndirilməsi imkanlarını nəzərdən keçiriblər. İkitərəfli münasibətlərin daha da möhkəmləndirilməsinin vacibliyi vurğulanıb. Qalibaf İraq hökumətinin Tehranla əlaqələrin inkişaf etdirilməsi istiqamətindəki səylərini yüksək qiymətləndirib. İran parlamentinin sədri əməkdaşlığın iki xalqın ortaq maraqlarına xidmət etməli olduğunu bildirib.

İraq İrandan Hörmüz boğazı vasitəsilə neft ixracında xüsusi yanaşma istəyib. Bu tələbi İraq parlamentinin sədri Heybət əl-Həlbusi iranlı həmkarı Məhəmməd Baqir Qalibafla görüşündə səsləndirib. Əl-Həlbusi İraqın bölgədəki son hadisələrdən ən çox təsirlənən ölkələrdən biri olduğunu bildirib. O, Tehranı iki ölkə arasındakı münasibətləri nəzərə alaraq İraqın iqtisadi maraqlarını qorumağa çağırıb. Hörmüz boğazındakı vəziyyət neft gəlirlərindən böyük dərəcədə asılı olan İraq üçün xüsusi əhəmiyyət daşıyır. Qalibaf isə İranın İraqla iqtisadi və ticarət əməkdaşlığını genişləndirmək istədiyini bildirib. O, iki ölkə arasında daha əvvəl imzalanmış razılaşmaların həyata keçirilməsinin davam etdirilməsinin vacibliyini vurğulayıb. Tərəflər iqtisadi əlaqələrin daha da inkişaf etdirilməsində maraqlı olduqlarını bildiriblər.

İran parlamentinin sədri Məhəmməd Baqir Qalibaf bildirib ki, Tehran və Bağdad iki ölkənin təhlükəsizliyinin möhkəmləndirilməsi üçün yeni və mühüm addımlar atacaq. Qalibaf İraqa üçgünlük səfəri çərçivəsində Bağdada gəlib. O, İraqı region üçün mühüm ölkə adlandıraraq İran-İraq münasibətlərinin bölgədə baş verən proseslər baxımından əsas və strateji əhəmiyyət daşıdığını vurğulayıb.

İraq Baş naziri Əli Falih əz-Zeydi Türkiyə şirkətlərini ölkədəki strateji infrastruktur və enerji layihələrinə investisiya yatırmağa dəvət edib. İraq hökumətinin məlumatına görə, Zeydi Kalyon Holdinqin İdarə Heyəti sədrinin müavini Lütfi Elvan və onu müşayiət edən nümayəndə heyəti ilə görüşüb. Görüşdə iki ölkə arasında iqtisadi və investisiya əməkdaşlığının genişləndirilməsi, həmçinin Türkiyə şirkətlərinin İraqın inkişaf layihələrində iştirakı müzakirə olunub.

Bu təşəbbüs İraqın səmt qazının məşəllərdə yandırılmasının qarşısını almaq, qaz təminatında özünütəminat səviyyəsinə çatmaq və ölkənin elektrik şəbəkəsini dəstəkləmək üçün elektrik stansiyalarını yanacaqla təmin etmək istiqamətindəki ümumi səylərinin mühüm mərhələsidir.

İraqın Süleymaniyə şəhərində neft məhsullarının saxlanıldığı müəssisədə baş verən güclü yanğın nəticəsində, əsasən müəssisə əməkdaşları olmaqla, təxminən 30 nəfər yaralanıb. Yanğın Tancro Sənaye Bölgəsindəki yanacaq istehsalı müəssisəsində gecə saatlarında başlayıb. Alovun neft məhsullarının saxlanıldığı çənlərə keçməsindən sonra ərazidə partlayış səsləri eşidilib.

BMI 2026-cı ildə MENA regionu iqtisadiyyatının 3.3 faiz kiçiləcəyini proqnozlaşdırır ki, bu da qurumun iyun ayında irəli sürdüyü 0.9 faizlik azalma ehtimalından daha kəskin bir geriləmədir. Təşkilat bildirir ki, 2026-cı ildəki bu daralma son 40 il ərzində bütün MENA regionunda qeydə alınan ən dərin iqtisadi tənəzzül olacaq və 2020-ci il pandemiya dövründə qeydə alınmış 2.5 faizlik azalmanı da üstələyəcək.

İraq Ali Məhkəmə Şurası korrupsiya işi çərçivəsində 20 milyon dollardan çox vəsaitin və 60 kiloqram qızılın ələ keçirildiyini açıqlayıb. Məlumata görə, araşdırma İraqın keçmiş neft nazirinin emal məsələləri üzrə müavini Adnan əl-Cümeyli və onunla əlaqəli şəxslərlə bağlı aparılır.

İraqın Baş naziri Əli əl-Zeydi ABŞ-ın rəhbərlik etdiyi beynəlxalq koalisiyanın İraqdakı hərbi missiyasının başa çatması üçün son tarixin 30 sentyabr olduğunu bir daha təsdiqləyib. Bu addım Bağdadın suverenlik gündəliyinin ən çətin mərhələsi ilə - İranla əlaqəli güclü silahlı qruplaşmaların nəzarətində olan silahların dövlət nəzarətinə qaytarılması məsələsi ilə üz-üzə qalmasına səbəb olub.