BAKI,VOA,Yusif Şərifzadə

Səudiyyə Ərəbistanının Al Arabiya televiziyası ABŞ və İran arasında imzalanması gözlənilən 9 maddədən ibarət tarixi saziş layihəsini yayımlayıb. Layihədə bütün cəbhələrdə şərtsiz atəşkəs və sanksiyaların mərhələli şəkildə ləğvi nəzərdə tutulur.

VOA xəbər verir ki, ilk maddədə tərəflər bütün sahələrdə – quru, dəniz və hava – tam, dərhal və şərtsiz atəşkəs elan edəcəklər.

İkinci maddədə isə hər iki tərəf digər tərəfin hərbi, mülki və iqtisadi obyektlərini hədəf almamağı öhdəsinə götürür.

Üçüncü maddədə bütün hərbi əməliyyatlar, fəaliyyətlər və təhrikedici media mübarizəsi dayandırılacaq.

Dördüncü maddədə isə ölkələrin suverenliyinə hörmət və daxili işlərinə müdaxilənin olmaması vurğulanır.

Beşinci maddədə Basra Körfəzi, Hörmüz Boğazı və Oman Dənizində hərəkət azadlığı təmin olunacaq.

Altıncı maddədə anlaşmanın icrasını izləmək və ziddiyyətləri həll etmək üçün birgə komitə yaradılması nəzərdə tutulub.

Yeddinci maddədə isə həll olunmamış məsələlər üzrə 7 gün ərzində danışıqların başlanacağı qeyd olunub.

Sekizinci maddədə İranın anlaşma şərtlərinə əməl etməsi qarşılığında ABŞ-ın İrana qarşı sanksiyaları mərhələli şəkildə ləğv edəcəyi göstərilib.

Doqquzuncu maddədə hər iki tərəf anlaşmanın beynəlxalq hüquqa və BMT-nin Nizamnaməsinə uyğun olduğunu təsdiqləyir.