BAKI,VOA, Fərid Mikayılov
İran məhkəmə orqanlarının məlumatına əsasən, hərbi obyektə hücum cəhdində ittiham olunan Əli Fəhim edam olunub.
VOA xəbər verir ki, onun barəsində çıxarılmış hökm Ali Məhkəmə tərəfindən təsdiqləndikdən sonra icra edilib.
Məlumata görə, bu edam yanvar hadisələri ilə əlaqəli daha iki şəxsin edamından bir gün sonra həyata keçirilib.
Bununla yanaşı, beynəlxalq insan hüquqları təşkilatları, o cümlədən Amnesty International, edamları tənqid edərək onları qeyri-insani adlandırıb və bəzi etirafların işgəncə yolu ilə alındığını iddia edib.
Qeyd olunur ki, yanvar ayında başlayan etirazlar ilkin olaraq iqtisadi çətinliklərə qarşı yönəlsə də, sonradan ölkə üzrə genişmiqyaslı aksiyalara çevrilib. Hadisələr zamanı baş verən qarşıdurmalar İranın 1979-cu il inqilabından sonra ən ağır insidentlərdən biri kimi qiymətləndirilir.