BAKI, VOA , Nailə Babazadə
İran Tibb Birliyinin rəhbəri Məhəmməd Rəiszadə ABŞ və İsrailin hücumları nəticəsində 28 fevraldan bəri ölkədə azı 20 xəstəxana və sağlamlıq mərkəzinin zərər gördüyünü açıqlayıb.
VOA xəbər verir ki, İran mətbuatının məlumatına görə, Rəiszadə ABŞ və İsrailin İrana qarşı hücumları zamanı zədələnən xəstəxanalarla bağlı bəyanatla çıxış edib.
Rəiszadə qeyd edib ki, 28 fevraldan bu yana davam edən hücumlarda azı 20 xəstəxana və tibb məntəqəsi ciddi ziyan çəkib. O, xüsusilə "Qandi" xəstəxanasının tamamilə istifadəyə yararsız hala düşdüyünü və indiyədək 18 tibb işçisinin hücumlar nəticəsində həyatını itirdiyini bildirib.
Rəiszadə vurğulayıb ki, hücumların davam etməsinə baxmayaraq, tibbi heyət öz vəzifələrini fədakarlıqla yerinə yetirməyə davam edir.