BAKI,AzerVoice

Son elmi tədqiqatlar göstərib ki, müntəzəm olaraq qəhvə içən qadınlar, daha sağlam yaşlanmağa daha çox meyllidirlər. Bununla yanaşı, qəhvənin sağlamlıq faydaları, çox qəhvə içmək istəyənlər üçün diqqətə alınması vacib bir mövzuya çevrilib.

Amerika Qida və İçki Assosiasiyasının illik toplantısında təqdim edilən analizlər, gündə ortalama üç kiçik fincan kafeinli qəhvə içən qadınların 30 illik müşahidə müddətində daha sağlam yaşadıqlarını, həmçinin xroniki xəstəliklər və zehin problemləri risklərinin daha aşağı olduğunu göstərib.

"Bu nəticələr hələ ilkin tədqiqatlar olsa da, kiçik və davamlı vərdişlərin uzun müddət ərzində sağlamlığa təsir göstərə biləcəyini göstərir" - deyə Toronto Universitetinin qidalanma elmləri üzrə professoru Sara Mahdavi, bildirib.

Əvvəlki araşdırmalar, qəhvə içməyin tip 2 şəkərli diabetdən tutmuş, bağırsaq xərçəngi kimi bir çox xəstəliyin riskini azaldığını ortaya qoyub.

Ümumdünya Səhiyyə Təşkilatı (ÜST), uzun müddət qəhvənin xərçəngə səbəb olub-olmaması ilə bağlı narahatlıqlar irəli sürsə də, 2016-cı ildə mindən çox tədqiqatı araşdırdıqdan sonra qəhvənin xərçəngə səbəb olmadığını açıqlayıb.

Ancaq qəhvə sevərlərə hər gün yalnız iki-üç fincan içmələri məsləhət görülür, çünki çox qəhvə içməyin sağlamlıq üçün zərərli ola biləcəyi göstərilib.