BAKI, AzerVoice
Bu səhər Qəzzanın cənubunda Netzarim dəhlizi yaxınlığında yardım gözləyən insanlara İsrail ordusunun hücumu nəticəsində ən azı 22 fələstinli həlak olub, çoxlu sayda fələstinli yaralanıb.
AzerVoice xəbər verir ki, səhiyyə mənbələrindən və hadisə şahidlərindən alınan məlumata görə, İsrail ordusu aclıqla mübarizə aparan fələstinlilərə qarşı hücumlarını davam etdirir.
İsrail əsgərləri bu gün səhər Qəzzanın cənubundakı Netzarim dəhlizi yaxınlığında kömək gözləyən fələstinlilərə atəş açıb.
İlkin məlumata görə, hücumda 22 fələstinli həyatını itirib, çoxlu sayda yaralı var.
Qeyd edək ki, İsrailin 2023-cü il oktyabrın 7-dən bəri Qəzza zolağında həyata keçirdiyi hərbi əməliyyatlarda həyatını itirən fələstinlilərin sayı 54 min 677 nəfərə yüksəlib.