BAKI, AzerVoice, Nailə Babazadə
2025-ci ilin yanvar- oktyabr ayında Türkiyədə Türkmənistan kapitalı ilə 100 şirkət qeydiyyata alınıb ki, bu da 2024-cü ilin eyni dövrü ilə müqayisədə 42 şirkət çoxdur.
Bu barədə AzerVoice -ə Türkiyə Ticarət və Sənaye Palatasından (TOBB) məlumat verilib.
“Hesabat dövründə Türkiyədə qeydiyyata alınan Türkmənistan şirkətlərinin məcmu kapitalı 220 milyon 5 min türk lirəsi olduğu halda, 2024-cü ilin eyni dövründə bu rəqəm 36 milyon 310 min türk lirəsi təşkil edib”, – deyə TOBB-dan bildirilib.
Qurumdan o da qeyd olunub ki, 2025-ci ilin yanvar - oktyabr ayında Türkmənistan şirkətlərinin əksəriyyəti İstanbulda (98) qeydiyyata alınıb.
“İstanbulda qeydiyyatdan keçən Türkmənistan şirkətlərinin ümumi kapitalı 218 milyon 5 min türk lirəsi təşkil edib”, – deyə TOBB-dan qeyd edilib.
Məlumata əsasən, 2025-cü ilin yanvar - oktyabr ayında Türkiyədə Türkmənistan kapitalı ilə 36 ticarət şirkəti qeydiyyata alınıb. Qalan şirkətlər iqtisadiyyatın digər sahələrini əhatə edir.