BAKI, AzerVoice
Türkiyə 2025-cü ilin fevral ayında Azərbaycana tekstil ixracını 2024-cü ilin eyni dövrü ilə müqayisədə 35,5 faiz artaraq 4 milyon 68 min 77 dollara çatdırıb.
Bu barədə AzerVoice-a Türkiyə Ticarət Nazirliyindən məlumat verilib.
2025-ci ilin yanvar – fevral aylarında Türkiyədən Azərbaycana tekstil məhsulları ixracı ötən ilin eyni dövrü ilə müqayisədə 16,7 faiz artaraq,7 milyon 980 min 67 dollara bərabər olub.
Qeyd edək ki,2025-ci ilin yanvar-fevral aylarında Türkiyənin dünya bazarlarına avtomobil ixracı 2024-cü ilin eyni ayı ilə müqayisədə 1,3 faiz artaraq, 5 milyon 979 min 540 dollara bərabər olub.
“Bu ilin fevral ayında Türkiyə 2 milyon 980 min 748 dollar məbləğində avtomobil ixrac edib ki, bu da keçən ilin fevral ayı ilə müqayisədə 4,7 faiz azdır,” – deyə nazirlikdən bildirilib.
Qeyd olunub ki, son 12 ay ərzində (fevral 2024 – fevral 2025) Türkiyə 32 milyon dollar məbləğində tekstil ixrac edib.