BAKI,AzerVoice

Qadyanilik — Mirzə Qulam Əhməd Qadiyani (ö. 1908) tərəfindən qurulmuş dini cərəyandır. Qədyanlığın banisi Mirzə Qulam Əhməd 1839-cu ildə Hindistanın Pəncab vilayətinin Gurdaspur bölgəsindəki kiçik Qadiyan qəsəbəsində anadan olmuşdur. Hərəkat öz adını Mirzə Əhmədin doğulduğu yerdən almışdır. Bəzən qədyaniləri Mirzə Əhmədin adına uyğun olaraq Əhmədiyyə cərəyanı da adlandırırlar.
Mirzə Qulam Əhməd ingilis idarəçiliyinə sadiqliyi ilə tanınırdı. Təhsilinə ərəb və fars dillərini öyrənməklə başlamış, sonra Quranı öyrənmişdir.
Mirzə Qulam Əhməd mücəddid ( yenilik gətirən, islahatçı) olduğunu bəyan etmiş, sonralar Mehdi və Məsih olduğunu iddia etmişdir. Bu ifrat iddialara görə həm xristianlar, həm də müsəlmanlar ona qarşı çıxırlar.

Qədyanilərin ümumi fikirləri belədir:

• 1. Ölkəni işğal edən düşmənlərə qarşı silahlı cihadı rədd edirlər.
• 2. Bəzi Qadiyanilər Mirzə Qulam Əhmədi peyğəmbər kimi qəbul edir və ona inanmayanları kafir hesab edirlər.
• 3. Qədyanilər Hz. Peyğəmbərin hədislərini rədd edirlər.

7 sentyabr 1974-cü ildə Pakistan parlamenti Qədyanini 'qeyri-müsəlman azlığı' olaraq qəbul edib.