Formula 1 Monako Qran-pri şənlikləri zamanı nümayiş etdirilən bu superkar hibrid sistemlə kombinasiya olunmuş ikiqat turboşarjlı 4.0 litrlik V8 mühərriki ilə təchiz edilib. Təxminən 1000 at gücü hasil edən və 10000 dövriyyəyə (RPM) qədər qalxa bilən bu mühərrik korporativ qardaş "Lamborghini Temerario" modelindən götürülsə də ondan daha çox gücə sahibdir. Avtomobildə ön oxda iki, arxa oxda isə bir ədəd olmaqla üç elektrik motoru quraşdırılıb. Bu güc paketi 7.3-kWh batareya sayəsində avtomobilin sıfırdan saatda 60 mil (0-96 km/s) sürəti cəmi 2.6 saniyəyə yığmasına və saatda 217 mil (350 km/s) maksimum sürət toplamasına imkan verir.

"Toyota" şirkətinin populyar və əlçatan idman kupesi olan "GR86" modeli növbəti nəsil üçün köklü dəyişikliklərə hazırlaşır. Avtomobil dünyasında yayılan son məlumatlara görə, rəsmiləşməsi gözlənilən 2027-ci il modeli brendin ənənəvi subaru mühərrikindən imtina edərək tamamilə fərqli bir güc aqreqatına keçid edə bilər.

Lexus RX modeli orta ölçülü lüks SUV seqmentinin ən güclü sütunlarından biri hesab olunur. Komfortlu, səssiz və asan idarə olunan bu avtomobil bazarda benzinli, hibrid və plagin-hibrid versiyalarda təklif edilir. Model sırasının plagin-hibrid daxil olmayan ən yüksək variantı isə RX500h F Sport Performance modelidir.

Böyük Britaniyanın ən qədim fəal avtomobil istehsalçısı olan "AC Cars" şirkəti bu il özünün 125 illik yubileyini qeyd edir. Təxminən 60 ildən artıqdır ki, "Cobra" və onun replikalarını istehsal edən şirkət, bu ikonik idman avtomobilinə tarixində ilk dəfə rəsmi olaraq sabit tavan (kupe) əlavə edib. "AC Cobra GT Coupe" modeli şirkətin özünə bəxş etdiyi yubiley hədiyyəsidir. Avtomobil brendin klassik formulu əsasında yenilənmiş "Cobra GT Roadster" şassisi üzərində qurulub. Şirkət keçmişdə çıxarıla bilən bərk tavanlı (hardtop) modellər və 1964-cü ildə Le Man yarışlarında iştirak edən "A98" adlı eksperimental prototip hazırlasa da, bu yeni model AC tərəfindən istehsal olunan ilk əsl rəsmi kupe "Cobra" hesab edilir.

Toyota 2021-ci ildə "200 Series Land Cruiser" modelini əvəzlədikdə, bütün dünya yeni "300 Series" modelini əldə etdi. ABŞ bazarı isə daha kiçik ölçülü "Land Cruiser Pradonun (bir neçə illik gecikmədən sonra) rebrendinq edilmiş versiyası ilə kifayətlənməli oldu. Amerikalı ofroud həvəskarları bu faktla barışmağa başladığı bir vaxtda, Toyota qlobal bazar üçün nəzərdə tutulan "300 Series" modelinin daha güclü versiyasını təqdim edərək sanki yaraya duz səpmiş oldu.

2026-cı ildə ultra-lüks avtomobil sənayesi yeni mərhələyə qədəm qoyub. Dünyanın ən bahalı avtomobilləri artıq sadəcə sürətli nəqliyyat vasitələri deyil, eyni zamanda mühəndislik, incəsənət və eksklüzivliyin birləşdiyi xüsusi kolleksiya nümunələri hesab olunur. Xüsusi sifarişlə hazırlanan modellər, məhdud sayda istehsal və fərdiləşdirilmiş dizayn elementləri qiymətlərin rekord səviyyəyə yüksəlməsinə səbəb olub.

"Ferrari" şirkəti son zamanlar bəzi mübahisəli qərarlar qəbul etsə də — yeni "Testarossa" və ya ilk tam elektrikli model üzərində işləmək kimi — brendin sadiq müştəriləri hələ də "menyudan kənar" unikal sifarişlər verə bilirlər. Maranellonun fərdi sifarişlər proqramı çərçivəsində hazırlanan yeni HC25 modeli hibrid texnologiyası tətbiq olunmayan orta mühərrikli V8 erasının möhtəşəm son akkordudur.

Əgər siz "Chevrolet"nin əfsanəvi LS9 mühərrikini öz fərdi layihəniz və ya yarış avtomobiliniz üçün sifariş etməyi planlaşdırırdınızsa, artıq çox gec ola bilər. Bir neçə rəsmi hesabat və daxili mənbələrə görə, vaxtilə qüdrətli Corvette C6 ZR1 üçün xüsusi olaraq hazırlanmış məşhur superşarjlı V8 mühərriki "Chevy Performance" kataloqundan çıxarılıb. Bu addımla brendin mühərrik tarixində mühüm bir fəsil rəsmən bağlanmış oldu.

Yenilənmiş 2026-cı il model "Volkswagen Tiguan SE" kompakt krossover seqmentində praktik ölçüləri və gündəlik istifadə rahatlığı ilə diqqət çəkir. Avtomobilin daxili və xarici dizaynı minimalizmin cansız uçurumuna yuvarlanmadan, təmiz xətlərlə işlənib ki, bu da xalis Alman üslubunu nümayiş etdirir.

Yay səyahət mövsümünün yaxınlaşdığı bir vaxtda sürücülər yalnız yanacaq qiymətləri ilə deyil, həm də mühərrik yağı qıtlığı problemi ilə üz-üzə qala bilərlər. Xüsusilə son nəsil Toyota hibrid avtomobillərinin sahibləri növbəti yağdəyişmə zamanı gözlənilməz vəziyyətlə qarşılaşa bilərlər.

Avtomobil tarixinin 140 illik qan yaddaşına sahib olan, lüks və status simvolu hesab edilən "S-Class" yeni nəsli ilə yenidən səhnədədir. Almaniyanın şimalında keçirilən test yürüşləri göstərir ki, SUV trendlərinə və dəyişən bazar şərtlərinə baxmayaraq, bu sedan hələ də öz seqmentinin şəriksiz lideridir. 2027-ci il modeli vizual olaraq sələfinə bənzəsə də, mühəndislik baxımından avtomobilin 50%-i tamamilə yenidən qurulub.

Müasir avtomobil sənayesi analoq sürüş həzzi ilə rəqəmsal təkmilləşdirmə arasındakı bitmək bilməyən müharibənin meydanına çevrilib. Bu debatın tam mərkəzində isə hamıdan çox BMW dayanır. Brend bir tərəfdən klassik "sürücü avtomobili" vəd edir, digər tərəfdən isə sürücünü həddindən artıq rəqəmsallaşmış, bəzən isə bezdirici texnologiyalarla üz-üzə qoyur. 2026 BMW 550e xDrive brendin orta ölçülü sedanları arasında "M" emblemi daşımayan ən yüksək elektrikləşdirilmiş zirvəni təmsil edir.