BAKI,VOA, Fərid Mikayılov
Qazaxıstanlı məşhur MMA döyüşçüsü Şavkat Rahmonov Bakıda keçiriləcək UFC turnirində iştirak edəcək.
VOA xəbər verir ki, məşqçi Eduard Bazrov Rahmonovun komanda ilə birlikdə iyun ayında Bakıda təşkil olunacaq turnirə qatılacağını açıqlayıb.
Məlumata görə, Şavkat Rahmonov hazırda reabilitasiya mərhələsində olsa da, komandanın fəaliyyətində aktiv iştirak edir və turnirdə digər döyüşçülərə dəstək verəcək.
Qeyd olunub ki, UFC turniri iyunun 27-də Baku Crystal Hallda keçiriləcək. Turnirdə Rahmonovun komanda yoldaşı Asu Almabayev amerikalı Çarlz Conson ilə qarşılaşacaq.
Bildirilib ki, digər qazaxıstanlı döyüşçü Bekzat Almaxan da turnirdə çıxış edərək braziliyalı Jan Matsumoto ilə döyüşəcək.
Xatırladaq ki, Rahmonov sonuncu dəfə 2024-cü ilin dekabrında keçirilən döyüşdə irlandiyalı İen Qerri üzərində qələbə qazanmışdı.