BAKI,VOA, Fərid Mikayılov
Fənərbağça ilə Beşiktaş arasında son illərdə keçirilən derbilərdə hakimlərin verdiyi sarı və qırmızı vərəqələrin sayı diqqət çəkir.
VOA xəbər verir ki, komandalar arasında son 30 liqa oyununda ümumilikdə 20 qırmızı və 182 sarı vərəqə qeydə alınıb.
Statistikaya əsasən, bu qarşılaşmalarda daha sərt oyun nümayiş etdirən tərəf Beşiktaş olub. “Qara-ağlar”a 14 qırmızı və 93 sarı olmaqla ümumilikdə 107 vərəqə göstərilib.
Fənərbağça isə eyni dövrdə 6 qırmızı və 89 sarı olmaqla 95 vərəqə ilə cəzalandırılıb. Maraqlıdır ki, sarı-göylər son 11 liqa derbisində qırmızı vərəqə görməyib.
Son 10 derbi matçında isə ümumilikdə 64 vərəqə qeydə alınıb ki, bunların 4-ü qırmızı, 60-ı isə sarı olub. Bu oyunlarda Beşiktaş futbolçuları 4 qırmızı və 31 sarı, Fənərbağça isə 29 sarı vərəqə ilə cəzalandırılıb.
Qeyd edək ki, komandalar Süper Ligin 28-ci turu çərçivəsində 5 aprel tarixində növbəti dəfə üz-üzə gələcək.