Böyük Britaniya və Livan mənşəli aktrisa Razan Cammal 39 yaşını "Instagram" hesabında etdiyi bayram paylaşımı ilə qeyd edib. Paylaşılan videoda parıltılı libasda, tiara və xəz şalla görünən Cammal ad günü tortunun üzərindəki şamları üfləyərkən əks olunub. O, paylaşımına "Yaşlaşmaq və özümün yeni versiyasını qarşılamaq necə də böyük imtiyazdır", - şərhini yazıb.
Bu arada, bu ilin iyun ayında Cammal "Miss World Children's Library" (Dünya Xanımı Uşaq Kitabxanası) təşəbbüsü vasitəsilə Livan mədəniyyətini dünyanın dörd bir yanındakı azyaşlı oxuculara tanıtmağa kömək edib.
View this post on Instagram
"Miss Livan 2025" titulunun sahibi Perla Harb Cammalın müəllifi olduğu "Lulu və Blu" uşaq kitabını iştirakçı ölkələrin mədəniyyətini, irsini və dəyərlərini əks etdirən beynəlxalq library layihəsinə daxil etmək üçün seçib.
Təşəbbüs savadlılığın və mədəniyyətlərarası anlaşmanın təşviqinə yönəlmiş kolleksiya vasitəsilə gənc oxuculara ölkələrinə pəncərə açacaq kitab töhfə vermək üçün dünyanın hər yerindən insanları dəvət edib.
"The Sandman" və "Əl-Şəmən" kimi ekran işlərindəki rolları ilə tanınan Cammal öz təcrübələrindən və Livan irsindən ilhamlanan "Lulu və Blu" kitabı ilə özünü uşaq yazıçısı kimi təsdiqləyib.
Uşaq Kitabxanası xeyriyyəçilik və təhsil təşəbbüslərini dəstəkləyən "Miss World" gözəllik müsabiqəsinin "Məqsədli Gözəllik" proqramının tərkib hissəsidir. Layihə gənc oxucuları müxtəlif mədəniyyətlərlə birləşdirmək üçün ədəbiyyatdan istifadə edərək uşaqları dünyanın dörd bir yanından olan hekayələr, ənənələr və baxış bucaqları ilə tanış edib.
Ötən il "Turning Point Books" nəşriyyatı tərəfindən çap olunmuş "Lulu və Blu" kitabı 2014-cü ildə Kembric İncəsənət Məktəbindən məzun olmuş livanlı illüstrator Saşa Haddad tərəfindən resmlənib. Kitab iki gənc dostun - vegeterian dişi şir və mehriban balığın dostluq, maraq və özünü kəşf mövzularında irəliləyən macəralarından bəhs edir. Əsər Cammalın çoxmədəniyyətli mənşəyinə söykənir, uşaqları müxtəlifliyi, xeyirxahlığı və təxəyyülü mənimsəməyə həvəsləndirməyi hədəfləyir.
Cammal 2025-ci ilin iyun ayında kitabın təqdimatını qeyd etmək üçün sosial mediada bu sözləri bölüşmüşdü: "Yeddi il əvvəl yazdığım kiçik bir hekayə ilə başlayan proses balacalarınız üçün kitaba çevrildi. Ürəyimi bu işə qoymuşam və hamınızı Beyrutdakı ilk təqdimatımıza dəvət etməkdən həyəcan duyuram".
Cammal bu ilin may ayında "Əsəd" filmi ilə bir ərəb ekran işində ilk baş rolunu alaraq gündəmə gəlmişdi. Misirli rejissor və "Moon Knight" filminin quruluşçusu Məhəmməd Diabın rəhbərlik etdiyi tarixi dramda Cammal misirli aktyor Məhəmməd Ramadan ilə birgə baş rolu bölüşür.