BAKI, AzerVoice, Nailə Babazadə
Qızıl Orda xanlığının zəifləməsindən sonra onun ərazisində bir sıra yeni xanlıqlar yarandı. Onlardan biri də 1441-ci ildə Hacı Gəray tərəfindən təsis edilən Krım xanlığı idi. Lakin Hacı Gərayın 1466-cı ildə vəfatından sonra xanlıqda taxt uğrunda çəkişmələr başladı.
Bu dövrdə Ğirin bəyi Eminək, Cenevizlilərə qarşı mübarizədə Osmanlılardan yardım istədi. Bu vəziyyətdən istifadə edən II Mehmed (Fatih Sultan Mehmed) 1475-ci ildə Krıma hərbi yürüş təşkil etdi.
Osmanlı ordusu Cenevizlilərin nəzarətində olan Kefe (Feodosiya) və sahil bölgələrini ələ keçirdi. Bu vaxt Krım xanı olmağı bacaran Məngli Gəray, Gedik Əhməd Paşa ilə saziş imzalayaraq Osmanlı imperiyasına tabe olmağı qəbul etdi.
Beləliklə, Krım 1783-cü ildə Rusiya tərəfindən ilhaq edilənədək Osmanlı İmperiyasının muxtar bir hissəsi kimi qaldı.
Bu hadisə Osmanlı dövlətinin Qara dənizdəki strateji mövqelərini gücləndirmiş və imperiyanın şimal istiqamətində genişlənməsi üçün mühüm tarixi mərhələ olmuşdur.