Misirin xarici işlər naziri Bədr Əbdüləti sabah Türkiyəyə səfər edəcək. Türkiyə Xarici İşlər Naziri Hakan Fidan və sabah Türkiyəyə səfər edəcək Misir Xarici İşlər Naziri Əbdülati həmsədrlik edəcəkləri Türkiyə–Misir Ümumi Planlaşdırma Qrupu (OPG) Birinci Toplantısı təşkil olunacaq. Müvafiq qurumlardan məsul şəxslərin də iştirak edəcəyi toplantıda 2026-cı ildə iki ölkə prezidentlərinin həmsədrliklərində Qahirədə keçirilməsi planlaşdırılan Yüksək Səviyyəli Strateji Əməkdaşlıq Şurası (YDSŞ) İkinci Toplantısı üçün hazırlıqlar müzakirə olunacaq.

ABŞ dövlət katibi Marko Rubio və Türkiyənin xarici işlər naziri Hakan Fidan Vaşinqtonda keçirilən görüşdə Yaxın Şərqdə uzunmüddətli sülhün bərqərar olması üçün tədbirləri dəstəklədiklərini bir daha təsdiqləyiblər. Dövlət Departamentindən bildirilib ki, bundan əlavə, tərəflər Ukrayna münaqişəsinə də toxunublar. Rubio ABŞ prezidenti Donald Trampın bütün NATO müttəfiqlərinə "Ukraynada davam edən münaqişəyə son qoymaq üçün Rusiya enerjisini almağı dayandırmaq" çağırışını xatırladıb.

Türkiyə Futbol Federasiyası tərəfindən peşəkar liqalarda idman mərc oyunları ilə bağlı aparılan araşdırma çərçivəsində, mərc oynadığı müəyyən edilən 1024 futbolçu Futbol Disiplin Təlimatının 57-ci maddəsinə əsasən ehtiyat tədbiri ilə Türkiyə Futbol Federasiyasının hüquq müşavirliyi tərəfindən Peşəkar Futbol Disiplin Komitəsinə göndərilib. Bu qərardan sonra Milli Komandaların heyətlərində dəyişiklik edilib.

Türkiyə bölgədə baş verən prosesləri diqqətlə izləyir, mümkün dəstək variantları dəyərləndirilir. Bu barədə Türkiyə Prezidenti Rəcəb Tayyib Ərdoğan Sudandakı hazırkı vəziyyəti şərh edərkən deyib. Ekspertlərə görə, Türkiyə ilkin mərhələdə neytral diplomatiya yürüdüb, humanitar kanalları açıq saxlayıb və səfirliyin fəaliyyətini Port Sudanda davam etdirib. Həmçinin son dövrdə Ankaranın siyasi mövqeyinin Sudan ordusuna daha yaxın olduğu qeyd olunur.

Türkiyədə 9 şəhərdə investisiya və onlayn fırıldaqlara qarşı həyata keçirilən əməliyyatlar nəticəsində 21 şübhəli saxlanılıb.Rəsmi açıqlamaya görə, Baş Prokurorluqların və Kütləvi Cinayətlərlə Mübarizə İdarəsinin koordinasiyasında Adana və Afyon şəhərlərində əməliyyatlar aparılıb. Əsas hədəf, saxta internet saytları vasitəsilə investisiya məsləhətçiliyi fırıldaqları və digər onlayn maliyyə fırıldaqları olub.

Balıkesir şəhərinin Sındırgı rayonunda 4,4 maqnitudalı zəlzələ qeydə alınıb. Bu barədə Türkiyənin Fövqəladə Halların İdarəolunması Agentliyi (AFAD) X sosial media hesabında paylaşım edib. Yeraltı təkanlar bu gün saat 10:41-də baş verib. Zəlzələnin yerin təxminən 10,38 kilometr dərinliyində baş verdiyi bildirilib.

Əmin və bacarıqlı kadrların rəhbərliyi ilə Türkiyə qlobal güc olma yolunda inamla irəliləyir. Ərdoğan bu sözləri, Anıtkabırda yerləşən “Özel Defter”- ə yazıb. Türkiyə Cümhuriyyətinin qurucusu, Böyük Öndər Mustafa Kamal Atatürk, vəfatının 87-ci ildönümündə Anıtkabirdə keçirilən dövlət mərasimi ilə anılıb. Anıtkabirdəki mərasim dövlət rəsmilərinin “Aslanlı Yol”dan yürüşü ilə başlayıb.

Türkiyə Prezidentinin Ankaranın sabiq polis rəisi Servet Yılmazla səmimi söhbəti olub. Görüş Prezident Rəcəb Tayyib Ərdoğanın Bakıya səfəri çərçivəsində baş tutub.

Sülh prosesinin tez bir zamanda başa çatması Azərbaycan regionda sülhün memarı kimi ön plana çıxaracaq.

Türkiyə Ermənistanla normallaşma prosesini Azərbaycanla sinxron şəkildə həyata keçirir.

2025-ci ilin oktyabr ayında Türkiyədə baş verən ümumi qəza sayı 58 min 783 olub. İdarədən verilən məlumata görə, oktyabr ayında avtomobil sürücülərinin qeydiyyatda olduğu ərazilərdə törətdikləri qəzaların sayı 51 min 181, qeydiyyatda olduğu ərazidən kənarda törətdikləri qəzaların sayı isə 7 min 602 olub. “Hesabat dövründə qeydiyyata alınan qəzalarda yaralananların sayı 34 min 173, vəfat edənlərin sayı isə 201 nəfər təşkil edib” – deyə idarədən bildirilib.

Azərbaycan Ordusunun 44 günlük Vətən müharibəsində əldə etdiyi tarixi Zəfərin 5-ci ildönümü ilə bağlı Bakıda keçirilən rəsmi tədbirlər çərçivəsində Türkiyə Prezidenti Rəcəb Tayyib Ərdoğan Pakistanın Baş naziri Şahbaz Şəriflə görüşüb.