BAKI, AzerVoice, Nailə Babazadə
Azərbaycandan Türkiyəyə uçmaq üçün qalxan və Gürcüstan-Azərbaycan sərhədinə yaxın ərazidə düşən C-130 tipli hərbi kargo təyyarəsindəki son hərbçinin də nəşi tapılıb.
AzerVoice xəbər verir ki, bu barədə Türkiyə Milli Müdafiə Nazirliyi açıqlama verib.
Nazirlik həmçinin qeyd edib ki, bölgədə aparılan axtarış-xilasetmə əməliyyatları tamamlanıb və bütün itkilər müəyyən edilib.
Qeyd edək ki, noyabrın 11-də Türkiyə Hərbi Hava Qüvvələrinə məxsus "C-130" hərbi yük təyyarəsi Gəncə hava limanından qalxdıqdan 27 dəqiqə sonra Gürcüstan ərazisində radarlardan itərək qəzaya uğrayıb. Qəza nəticəsində təyyarənin göyərtəsində olan, heyət üzvləri daxil olmaqla 20 hərbçinin hamısı həlak olub.