BAKI, AzerVoice, Nailə Babazadə
Beynəlxalq Qızıl Xaç və Qızıl Aypara Cəmiyyətləri Federasiyası (IFRC) tərəfindən "Qlobal İlk Yardım Akkreditasiyası" sertifikatı alan Türk Qızıl Aypara Cəmiyyəti bu ilin ilk 8 ayında 69 min nəfərə ilk yardım təlimi verib.
AzerVoice xəbər verir ki,Türk Qızıl Aypara Cəmiyyəti, 22 şəhərdə yerləşən 29 İlk Yardım Təlim Mərkəzində, IFRC-yə bağlı Qlobal İlk Yardım İstinad Mərkəzinin nəzdində ilk yardım təlimləri həyata keçirir.
Türk Qızıl Aypara Cəmiyyətinin verdiyi 16 saatlıq ilk yardım təlimlərinin beynəlxalq standartlara cavab verdiyi IFRC tərəfindən təsdiqlənib və keçən il təşkilata “Qlobal İlk Yardım Akkreditasiyası” sertifikatı təqdim olunub. Qurum daha çox insana çatmaq məqsədilə fəaliyyətini davam etdirir.
Bu il Dünya İlk Yardım Günü üçün Qlobal İlk Yardım Mərkəzinin müəyyən etdiyi “İlk Yardım və İqlim Dəyişiklikləri” mövzusuna uyğun olaraq, kurs iştirakçılarına ilk yardım bilikləri ilə yanaşı, iqlim dəyişikliyinin təsirləri barədə də məlumat verilir.