Təxminən min 300 ton humanitar yardım daşıyan gəmi, Türkiyə Qızıl Aypara Cəmiyyəti tərəfindən Qəzzaya çatdırılmaq məqsədilə Mersin limanından yola çıxıb. Humanitar yardımın Misirin El Arish Limanına çatması gözlənilir. Orada yüklər boşaldılacaq və sonrakı mərhələdə Qəzzaya çatdırılacaq. Yükün əsas hissəsini qida məhsulları, gigiyena ləvazimatları, geyim və yorğanlar təşkil edir.

Qırğızıstan Türkdilli Dövlətlərin Təşkilatına (TDT) üzv dövlətlərin Qızıl Aypara Şəbəkəsində sədrlik vəzifəsini Azərbaycana təhvil verdiyini elan edib. Bunu bu gün Qırğızıstanın Milli Qızıl Aypara Cəmiyyətinin prezidenti Çingiz Çakipov TDT-nin Qızıl Aypara Şəbəkəsi rəhbərlərinin Bakıda keçirilən iclasında bəyan edib. Qırğızıstan Milli Cəmiyyətinin rəhbəri sədrlik vəzifəsini Azərbaycanın Qızıl Aypara Cəmiyyətinin prezidenti Novruz Aslana təhvil verib.

Qəzzada atəşkəsin qüvvəyə minməsindən sonra humanitar yardım karvanları bölgəyə daxil olmağa başlayıb. Türk Qızıl Ayparası bu çərçivədə bu gün Qəzzaya 5 yardım tırının çatdığını açıqlayıb. Qurumun verdiyi məlumata görə, göndərilən hər bir yardım tırı Qəzza xalqına həm maddi, həm də mənəvi dəstək daşıyır.

Misir Qızıl Aypara Cəmiyyəti cümə axşamı bildirib ki, İsrail və Həmas arasında atəşkəs razılaşmasının elanından sonra 153 yardım maşını Qəzza zolağına doğru hərəkət edir. AzerVoice xəbər verir ki, yardım karvanı Rəfah keçid məntəqəsinin yan yolundan keçərək Kərəm Əbu Salim keçidinə istiqamətlənib və oradan Qəzzaya daxil olacaq. Yardım konvoyuna 80 yük maşını BMT-yə, 17-si Misir Qızıl Ayparasına, 21-i isə Qətərə məxsusdur.

Beynəlxalq Qızıl Xaç və Qızıl Aypara Cəmiyyətləri Federasiyası (IFRC) tərəfindən "Qlobal İlk Yardım Akkreditasiyası" sertifikatı alan Türk Qızıl Aypara Cəmiyyəti bu ilin ilk 8 ayında 69 min nəfərə ilk yardım təlimi verib. Türk Qızıl Aypara Cəmiyyəti, 22 şəhərdə yerləşən 29 İlk Yardım Təlim Mərkəzində, IFRC-yə bağlı Qlobal İlk Yardım İstinad Mərkəzinin nəzdində ilk yardım təlimləri həyata keçirir. Türk Qızıl Aypara Cəmiyyətinin verdiyi 16 saatlıq ilk yardım təlimlərinin beynəlxalq standartlara cavab verdiyi IFRC tərəfindən təsdiqlənib və keçən il təşkilata “Qlobal İlk Yardım Akkreditasiyası” sertifikatı təqdim olunub. Qurum daha çox insana çatmaq məqsədilə fəaliyyətini davam etdirir.

Əfqanıstanın Kunar vilayətində baş verən 6 bal gücündə zəlzələ fəlakəti ilə əlaqədar, Türkiyə AFAD və Qızıl Aypara Cəmiyyəti tərəfindən hazırlanan humanitar yardım vasitələrini Əfqanıstana göndərib. Türkiyə Milli Müdafiə Nazirliyinin məlumatına görə, Hərbi Hava Qüvvələrinə məxsus A400M tipi kargo təyyarəsi Kayseri-Erkilet Hava Limanından havalanaraq, yardım yükünü çatdırmaq üçün yola düşüb. Yerli rəsmilər zəlzələnin ölkədəki ən güclü təbii fəlakətlərdən biri olduğunu bildiriblər. ABŞ Geoloji Araşdırmalar Mərkəzi (USGS) məlumatına əsasən, zəlzələ 1 sentyabrda Əfqanıstan-Pakistan sərhədi yaxınlığında, Celalabadın 27 km şimal-şərqində, 8 km dərinlikdə baş verib.

Beynəlxalq Qızıl Xaç və Qızıl Aypara Cəmiyyətləri Federasiyası (IFRC) Əfqanıstanda baş verən zəlzələ ilə bağlı yaydığı açıqlamada, Kunar, Nangarhar və Lağman əyalətlərindəki dağıdıcı zəlzələnin geniş miqyaslı ziyana səbəb olduğunu bildirib. Açıqlamada, zəlzələ nəticəsində bir çox ailənin evsiz qaldığı və təcili humanitar yardıma ehtiyac duyduğu vurğulanıb. Əfqanıstan Qızıl Ayparası fövqəladə hallar qruplarını zərər çəkmiş ərazilərə göndərərək axtarış-xilasetmə və tibbi yardım işlərinə başlayıb. Yaralılar, xüsusilə Nangarhar xəstəxanası kimi sıxlıq yaşanan tibb müəssisələrinə təxliyə edilir.

Türk Qızıl Aypara Cəmiyyəti İsrail qüvvələrinin müvəqqəti razılığı ilə Rəfah sərhəd keçid məntəqəsindən Qəzzaya humanitar yardım daşıyan 165 yük maşını ilə daxil olmağa başlayıb.

Türkiyə Prezidenti Rəcəb Tayyib Ərdoğan Türk Qızıl Aypara Cəmiyyətinin yaranmasının 157-ci ildönümü münasibətilə paylaşım edərək təşkilatın fədakar fəaliyyəti və tarixi əhəmiyyətini vurğulayıb.