BAKI, AzerVoice, Nailə Babazadə

Türkiyənin orta-yüksək və yüksək texnologiyalı məhsul istehsalını əhatə edən "kritik texnologiya" ixracatı bu ilin ilk 6 ayında 51,9 milyard ABŞ dollarına çatıb.

AzerVoice xəbər verir ki, bu barədə Türkiyə Statistika Təşkilatından (TÜİK) məlumat verib.

İllərdir rəqabətə davamlı istehsala yönəlmiş sənaye sahəsinə sərmayə, istehsal, məşğulluq və ixracatı artıracaq siyasətlərə önəm verən Türkiyənin bu sahədəki səyləri ixracat göstəricilərinə də əks olunub.

Türkiyə 2025-ci ilin yanvar-iyun aylarında aviasiya və kosmik texnologiyalardan silah və sursata, mühərrikli nəqliyyat vasitələrindən tibbi məhsullara, kompüterlərdən elektrik avadanlıqlarına qədər yüksək texnologiya tələb edən məhsullar üzrə ümumilikdə 51,9 milyard dollarlıq ixracat həyata keçirib.

Qeyd edək ki, Türkiyənin orta-yüksək və yüksək texnologiyalı məhsul ixracatı 2013-cü ildə 53,1 milyard dollar idisə, 2017-ci ildə 60,1 milyard dollara yüksəlib. Bu məhsulların ixracı 2021-ci ildə 77,4 milyard dollara, 2022-ci ildə isə 88,7 milyard dollara çatıb. 2023-cü ildə bu göstərici 97,3 milyard dollar, ötən il isə 101,1 milyard dollar olub.

Yüksək texnologiyalı məhsul ixracatı 2024-cü ilin yanvar-iyun dövründə 4,1 milyard dollar olub, bu ilin eyni dövründə isə 5,9 faiz artaraq 4,4 milyard dollara çatıb.

Bu kateqoriyada ən çox ixrac 1,6 milyard dollarla “aviasiya və kosmik texnologiyaların istehsalı” sahəsində qeydə alınıb. Daha sonra 1,5 milyard dollarla “kompüter, elektronika və optik məhsulların istehsalı” və 1,3 milyard dollarla “əczacılıq, kimyəvi və bitki mənşəli məhsulların istehsalı” sahələr