BAKI,AzerVoice
Gecə saatlarında Muğlanın Marmaris rayonu açığında 5,8 bal gücündə zəlzələ baş verib.
AzerVoice xəbər verir ki, bu barədə Türkiyənin Fövqəladə Halların İdarəetmə Agentliyi (AFAD) məlumat yayıb.,
Zəlzələnin episentri Aralıq dənizində olub, dərinliyi 67,91 kilometr təşkil edib.
Muğla Valisi İdris Akbıyık, zəlzələnin bölgədə hiss olunduğunu və bəzi sakinlərin ehtiyat tədbiri olaraq park və bağlara axışdığını bildirib.
“Zəlzələdən indiyədək 69 vətəndaşımız zərər çəkib. Onlardan 10 nəfəri təcili tibbi yardım maşınları ilə, 45 nəfəri isə öz imkanları ilə xəstəxanalara müraciət edib. 14 nəfərə hadisə yerində tibbi yardım göstərilib. 1 nəfər xəstəxanada stasionar müalicəyə yerləşdirilib, 46 nəfərin təcili yardım şöbəsində müayinəsi və müalicəsi davam edir. 8 nəfər evə buraxılıb”- deyə vali bildirib.
Akbıyık həmçinin bildirib ki, zəlzələ zamanı Fethiye rayonunda panik atak keçirən 14 yaşlı bir uşaq xəstəxanaya aparılıb, lakin bütün müdaxilələrə baxmayaraq həyatını xilas etmək mümkün olmayıb.