BAKI, AzerVoice
Türkiyənin İzmir şəhərində FETÖ-yə qarşı əməliyyatda 6 nəfər saxlanılıb
AzerVoice xəbər verir ki, Türkiyənin İzmir şəhərində FETÖ/PDY terror təşkilatının gizli strukturuna qarşı keçirilən əməliyyat nəticəsində 6 nəfər saxlanılıb.
İzmir Respublika Prokurorluğunun rəhbərliyi və Milli İstihbarat Təşkilatının (MİT) dəstəyi ilə İl Jandarma Komandanlığının Terrorla Mübarizə Şöbəsi tərəfindən həyata keçirilən istintaq çərçivəsində 7 şübhəli barədə həbs qərarı verilib.
Əməliyyat əvvəlcədən müəyyən edilən ünvanlarda aparılıb və nəticədə 6 nəfər nəzarətə alınıb. Hazırda digərin tutulması üçün əməliyyat tədbirləri davam etdirilir.
Qeyd edək ki, FETÖ/PDY Türkiyə hökuməti tərəfindən terror təşkilatı kimi tanınır və 2016-cı il 15 iyul çevriliş cəhdinin əsas təşkilatçısı kimi məsuliyyət daşıyır.