Bakı, VOA
Türkiyə Milli Müdafiə Nazirliyinin (MSB) İraq və Suriyanın şimalında həyata keçirdiyi əməliyyatlarda 1327 terrorçu zərərsizləşdirildirilib.
VOA xəbər verir ki, bu barədə MSB-nın keçirdiyi mətbuat konfransında məlumat verilib.
Əməliyyatlar nəticəsində son bir həftə ərzində 57 nəfər olmaqla yanvarın birindən bu günə kimi ümumilikdə 1327 terrorçu məhv edilib.
Bundan əlavə, dünən İraqın şimalında yerləşən Metina, Kara, Hakurk, Kandil və Asos bölgələrində terrorçulara qarşı həyata keçirilən hava əməliyyatında terror təşkilatının istifadə etdiyi mağara, bunker, sığınacaq, anbar və obyektlərdən ibarət 37 hədəfin məhv edildiyi də bildirilib.
Onu da qeyd edək ki, son bir həftədə doqquzu terror təşkilatı üzvü olmaqla ümumilikdə 328 şübhəli qanunsuz yollarla sərhədi keçməyə cəhd edərkən saxlanılıb. Yanvarın birindən etibarən sərhədləri qanunsuz keçməyə cəhd edənlərin sayı 6 min 29 nəfərə yüksəlib.