Bakı, AzerVoice

Türkiyədə Əmanətlərin Sığortalanması Fondu (TMSF), Xəzinədarlığa məxsus Muradiye Elektrik İstehsalat A.Ş. və RHG Enertürk Enerji İstehsalat A.Ş. şirkətlərinin səhmlərinin satışı üçün tenderi yenidən elan edib.

AzerVoice xəbər verir ki , daha əvvəl 30 oktyabr 2024-cü ildə elan olunan tenderdə iştirak şərtləri dəyişdirilib və satış qiymətləri aşağı salınıb.

Belə ki, Rəsmi Qəzetdə yayımlanan elana əsasən, Muradiye Elektrik İstehsalat A.Ş.-nin nominal dəyəri 5 TL olan 3,88 milyon səhminin təxmini qiyməti 2,1 milyard TL-dən 1,8 milyard TL-yə endirilib.

RHG Enertürk Enerji A.Ş.-nin nominal dəyəri isə 1 TL olan 750 milyon səhminin təxmini qiyməti 6,2 milyard TL-dən 4,6 milyard TL-yə salınıb.

Bundan əlavə, iştirak üçün tələb olunan zəmanət məbləğləri də azaldılıb.

Muradiye Elektrik A.Ş. üçün zəmanət 105 milyon TL-dən 90 milyon TL-yə, RHG Enertürk A.Ş. üçün isə 310 milyon TL-dən 230 milyon TL-yə endirilib.

Tarix olaraq, RHG Enertürk A.Ş. səhmlərinin satış tenderi 8 aprel, Muradiye Elektrik A.Ş. səhmlərinin satış tenderi üçün isə 9 apreldə baş tutacaq.

Bu tenderin enerji sektorunda investor marağını artırması gözlənilir.