Bakı,AzerVoice
Türkiyədə saxta spirt qaçaqmalçılarına qarşı "Çengel-11" Əməliyyatı keçirilib.
AzerVoice xəbər verir ki, bu barədə
Türkiyənin Daxili İşlər Naziri Ali Yerlikaya məlumat verib.
81 vilayətdə aparılan "Çengel-11" əməliyyatları çərçivəsində 40 min
388 litr saxta və etil spirtin ələ keçirilərək, saxta spirtli içki
istehsalında iştirak edən 85 şübhəli saxlanılıb.
Yerlikayanın paylaşdığı məlumata görə, İl Jandarma Komandirliyi və Qaçaqmalçılıq və Mütəşəkkil Cinayətkarlıqla Mübarizə İdarəsinin koordinasiyasında həyata keçirilən əməliyyatlar zamanı, saxta spirtli içki istehsalı ilə məşğul olan şübhəli şəxslərin aşkarlanmasına xüsusi diqqət yetirilib.
Əməliyyat çərçivəsində saxlanılan 85 şübhəli barəsində hüquqi prosedurlar başladılıb.