Bakı. AzerVoice:
Türkiyənin “gizli konstitusiyası” kimi qələmə verilən və ictimaiyyət arasında “Qırmızı kitab” kimi tanınan Milli Təhlükəsizlik Siyasəti Sənədinin yenilənməsi üçün tədbirlər görülüb.
AzerVoice xəbər verir ki, məsələ Türkiyə Milli Təhlükəsizlik Şurasının (MGK) aprelin əvvəlində keçiriləcək iclasında müzakirə olunacaq.
Məlumata əsasən, Türkiyə prezidenti Rəcəb Tayyib Ərdoğanın təlimatı ilə sənədin yenilənməsi ilə bağlı nazirliklərdən və aidiyyəti qurumlardan rəylər alınmağa başlanıb.
Araşdırmalardan sonra məsələnin aprelin əvvəlində prezident Ərdoğanın sədrliyi ilə keçirilməsi planlaşdırılan Milli Təhlükəsizlik Şurasının iclasında müzakirə ediləcəyi gözlənilir.
Qeyd edək ki, milli təhlükəsizliyin təmin edilməsi və milli məqsədlərə nail olmaq üçün Milli Təhlükəsizlik Şurasının müəyyən etdiyi fikirlər çərçivəsində daxili, xarici və müdafiə fəaliyyət üslubları prinsiplərini əhatə edən Milli Təhlükəsizlik Siyasəti Sənədi sonuncu dəfə 30 sentyabr 2019-cu ildə prezident Ərdoğanın sədrliyi ilə Milli Təhlükəsizlik Şurasının iclasında müzakirə edilib və yenilənib.
Xəbərlərimizi “WhatsApp” kanalımızdan oxuyun
