Bakı. AzerPress:

Türkiyə ilə strateji və uzunmüddətli əlaqələrin çoxşaxəli inkişafı və möhkəmləndirilməsi, Türkmənistanın xarici siyasət strategiyasının əsas istiqamətlərindən biridir.

AzerPress-in məlumatına görə, bu sözləri Türkmən xalqının ümummilli lideri, Türkmənistanın ictimaiyyətlə əlaqələr üzrə prezidenti Qurbanqulu Berdiməhəmmədov, Baykar şirkətinin baş direktoru Haluk Bayraktar və BMC sədri Fuat Tosyalı ilə görüşü zamanı deyib.

Görüş zamanı, iki ölkə arasındakı müdafiə sənayesi sahəsində əməkdaşlıq müzakirə edilib və əməkdaşlığın daha da inkişaf etdirilməsi imkanları müzakirə edilərkən, dünya müdafiə sənayesində lider olan Türkiyə şirkətlərinin təklifləri dəyərləndirilib. Bundan əlavə, Türkiyənin aparıcı müdafiə şirkətlərinin istehsal etdiyi keyfiyyətli və müasir məhsulların ilk Türkmənistana göndərilməsinin əməkdaşlıq əlaqələrinin möhkəmlənməsinə mühüm töhfə verəcəyi bildirilib.

Görüşdən sonra Türkiyənin son illərdə müdafiə sahəsində böyük irəliləyiş əldə etdiyini vurğulayan Haluk Bayraktar bildirib ki, bu mövzuda toplanmış təcrübəmizi Türkmənistan müdafiə sisteminə gətirməyi hədəfləyirik. Yeni və ən müasir məhsullarımızı burada görməkdən çox şadıq. Çünki bizim ata-baba yurdumuz olan Türkmənistan Türkiyə Cümhuriyyətinin təkcə qardaş ölkələrindən biri deyil, həm də onun ən yaxın tərəfdaşlarından biridir.

Qeyd edək ki, Bayraktar TB2, Türkmənistan silahlı qüvvələrinin inventarına daxildir.

Aytac Süleymanova

Twitter: a_alieva_