BAKI,AzerVoice, Fərid Mikayılov
Türk ədəbiyyatının görkəmli nümayəndələrindən olan Yavuz Bülent Bakilər haqqında danışan Topçu, mərhum şairin əsərləri, şeirləri və çıxışları ilə nəsillərə yol göstərdiyini bildirib.
AzerVoice xəbər verir ki, Topçu çıxışında Bakilərin Türk-İslam dünyası üçün əhəmiyyətini vurğulayıb.
“Min illərin idealını yaşadan Yavuz Bülənt Bakilər, hər misrası və hər sözü ilə müsəlman türk övladlarına istiqamət göstərmiş, şeirlərində milli və dini dəyərləri incəliklə ifadə etmişdir”- deyə Topçu qeyd edib.
Şairin vəfatından sonra da mənalı bir iradə qoyduğunu bildirən Topçu, onun dəfn vəsiyyətinə diqqət çəkib.
“Şeirləri və yazıları qədər təsirli nitqləri ilə də yaddaşımızda qalan Yavuz Bülənt Bakilər, ölümündə belə Türk-İslam dünyasına mesaj verməyi unutmadı. O, məzarı üzərinə Allahın evi Məkkə-i Mükarrəmədən və can Azərbaycandan torpaq gətirilməsini vəsiyyət etmişdir”- deyə o bildirib.
Topçu sözlərini bu cümlələrlə tamamlayıb:
“Sivasın igidi, türkcənin igid müdafiəçisi olan Yavuz Bülənt Bakilərə Allahdan rəhmət diləyirəm. Ailəsinə, yaxınlarına və Türk mədəniyyət dünyasına başsağlığı verirəm. Rəbbim onu cənnəti və camalı ilə mükafatlandırsın”.