Bakı, AzerPress:
Türkiyənin Türk Uçak Sanayi Anonim Ortaklığı (TUSAŞ) tərəfindən istehsal edilən milli döyüş təyyarəsi KAAN Türkiyə Əsrini dəyişəcək.
AzerPress xəbər verir ki, bu barədə TUSAŞ-ın direktoru Temel Kotil bildirib.
"KAAN-ın bir problem olarsa, pilotun özünü xilas etməsi üçün mühərriki və ejektor oturacağı var. Bu iki avadanlıq xaricdən tədarük edilir. Təyyarənin digər bütün hissələri isə Türkiyədə hazırlanır. KAAN-ın yerli mühərriki üçün işlər davam edir", - deyə o əlavə edib.
T.Kotil onu da əlavə edib ki, KAAN-ın uçuşa hazırlanması üçün sınaqlar davam edir və "Türkiyənin ikinci əsrinin ikinci ayında" uçuşu planlanır.
Qeyd edək ki, Türk Uçak Sanayi Anonim Ortaklığı (TUSAŞ) tərəfindən yaradılan milli döyüş təyyarəsinin məqsədi ABŞ-dan alınan F-16 və F-35 qırıcı təyyarələrini əvəz etməkdir. Milli Döyüş Təyyarəsinin ilk uçuş testi 2023-cü il martın 16-da keçirilib və uğurla tamamlanıb.
Mayın 1-də Türkiyə prezidenti Rəcəb Tayyib Ərdoğan Ankarada keçirilən “İstikbalin Yüzyılı” proqramında Milli Döyüş Təyyarəsinə KAAN adını verib.
Ləman Əsədli