Bakı. AzerVoice:
Bəzi ölkələrin UNRWA-ya yardımı kəsməsindən narahatıq.
AzerVoice-nin məlumatına görə, bu barədə Türkiyə XİN bəyanat yayıb.
“Bəzi ölkələrin Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər üzrə Agentliyinə (UNRWA) yardımlarını dayandırmasından narahatıq. Ümid edirik ki, bu ölkələr öz qərarlarına yenidən baxacaqlar.” - deyə bəyanatda qeyd edilib.
Açıqlamada UNRWA-nın son dərəcə çətin şərtlər altında milyonlarla fələstinli qaçqının həyati ehtiyaclarını qarşıladığı bildirilib və 7 oktyabrdan bəri Qəzzada UNRWA-nın 150-dən çox əməkdaşının İsrail tərəfindən öldürüldüyü xatırladılıb.
Bəyanatda, bu təşkilatın bir neçə üzvünə qarşı bəzi iddialar səbəbilə UNRWA-ya yardımın dayandırılmasının “ilk növbədə Fələstin xalqına” zərər verəcəyi vurğulanıb.
Hafiz Rufizoğlu