BAKI,AzerVoice, Fərid Mikayılov

Diyarbakır Böyükşəhər Bələdiyyəsi, inventarında olan nəqliyyat vasitələri, iş texnikası və generatorlarda istifadə olunmaq üçün 2 milyon litr dizel, 20 min litr 95 oktan benzin və 60 min litr Adblue (dizel mühərriklərinin daha təmiz işləməsi üçün “ekoloji maye”) alımı üzrə tender elan edib.

Tenderdə yerli və əcnəbi şirkətlər iştirak edə bilər. Yanacaqlar tenderin nəticələri açıqlandıqdan sonra hissə-hissə təhvil alınmağa başlanacaq.

Tender iştirakçıları aşağıdakı meyarlara sahib olmalıdırlar:

- Türkiyə Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklər olmamalı;

- Müvafiq sahibkarlıq fəaliyyəti növünün həyata keçirilməsi və ya müəyyən hərəkətlərin yerinə yetirilməsi üçün müvafiq lisenziyaya və ya icazəyə malik olmalı;

- Müflis elan olunmamalı, məhkəmənin qərarı ilə kommersiya fəaliyyəti dayandırılmış şəxs olmamalıdır.

Tender təklifinin təqdim edilməsinin son tarix vaxtı:

- Tender təklifləri 14 noyabr 2025-ci il tarixinə qədər " Yenişehir Mah. Elazığ Bul. Büyükşehır Beledıyesı No: 10 İç Kapı No: 4 Yenişehir / Diyarbakır" ünvanına bağlı və küncləri möhürlənmiş zərflər şəklində təqdim edilməlidir