İmzalanan sənədlər arasında 2035-ci ilə qədər İnkişaf Strategiyası, təşkilata üzv dövlətlərin 2026-2030-cu illər üçün ŞƏT məkanında ekstremist ideologiyaya qarşı mübarizə üzrə Əməkdaşlıq Proqramı, 2030-cu ilə qədər Enerji Əməkdaşlığının İnkişafı Strategiyasının həyata keçirilməsinə dair Yol Xəritəsi, Laos Xalq Demokratik Respublikasına Şanxay Əməkdaşlıq Təşkilatının dialoq üzrə tərəfdaşı statusunun verilməsi haqqında qərar,

Bəqai çıxışında ŞƏT-in beynəlxalq nizamda çoxqütblülüyün və hüquqa əsaslanan qaydaların qorunmasına töhfəsini yüksək qiymətləndirib. Onun fikrincə, təşkilat Qlobal Cənub ölkələrinin maraqlarını ifadə etməklə yanaşı, əməkdaşlıq üçün effektiv mexanizm rolunu oynayır.

Rusiya Prezidenti Vladimir Putin Ukraynada davam edən münaqişənin əsas səbəblərindən birinin Qərb ölkələrinin Kiyevi NATO-ya cəlb etmək cəhdləri olduğunu bəyan edib. Onun sözlərinə görə, illərdir davam edən bu siyasət Moskvanın milli təhlükəsizliyi üçün birbaşa təhdid yaradıb.

Çinin Tiencin şəhərində Şanxay Əməkdaşlıq Təşkilatının (ŞƏT) illik sammiti işə başlayıb. Genişmiqyaslı illik sammitdə 21 ölkədən liderlər və 10-dan çox beynəlxalq təşkilat iştirak edir. Tədbir çərçivəsində üzv dövlətlərin əsas sənədlərinin, o cümlədən təşkilatın yaxın 10 il üçün inkişaf strategiyasının qəbul edilməsi gözlənilir. AzerVoice xəbər verir ki, təşkilat 2001-ci ildə Qazaxıstan, Çin, Qırğızıstan, Rusiya, Özbəkistan və Tacikistan tərəfindən Şanxayda təsis olunub. ŞƏT-in tamhüquqlu iştirakçıları 10 ölkə: Rusiya, Belarus, Hindistan, İran, Qazaxıstan, Qırğızıstan, Çin, Pakistan, Tacikistan və Özbəkistandır. Hazırda Əfqanıstan və Monqolustan təşkilatda müşahidəçi statusuna, Azərbaycan, Bəhreyn, Misir, Kamboca, Ermənistan, Qətər, Küveyt, Maldiv, Myanma, Nepal, Birləşmiş Ərəb Əmirlikləri, Səudiyyə Ərəbistanı, Türkiyə və Şri-Lanka isə təşkilatın dialoq tərəfdaşı statusuna malikdirlər.

Azərbaycan Respublikasının Medianın İnkişafı Agentliyi ilə Çin Xalq Respublikasının Sinxua Xəbər Agentliyi arasında media sahəsində əməkdaşlıq haqqında Anlaşma Memorandumu imzalanıb. "Anlaşma Memorandumunun məqsədi iki ölkə arasında media sahəsində qarşılıqlılıq prinsipinə və qarşılıqlı faydaya əsaslanan əməkdaşlığın möhkəmləndirilməsi, təşviqi və inkişaf etdirilməsidir.

Türkiyə prezidenti Rəcəb Tayyib Ərdoğan Çin Xalq Respublikasının sədri Si Cinpinlə görüş keçirib. Ərdoğan Orta Dəhliz ilə Çinin “Kəmər və Yol” təşəbbüsünün uyğunlaşdırılması üçün birgə addımların əhəmiyyətini vurğulayıb. O, ikitərəfli ticarətin balanslı və davamlı inkişafı üçün sərmayələrin önəmini qeyd edib. Xüsusilə rəqəmsal texnologiyalar, enerji, səhiyyə və turizm sahələrinin böyük potensiala malik olduğunu bildirib. Prezident əlavə edib ki, bu çərçivədə Çin şirkətlərinin Türkiyədə sərmayə yatırmaları üçün əlaqələndirmənin artırılması faydalı olacaq.

Prezident İlham Əliyev Çinin aparıcı şirkətlərinin nümayəndələri ilə bir sıra görüşlər keçirəcək.Bunu Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Çinin Tiencin şəhərində jurnalistlərə açıqlamasında deyib. "Əməkdaşlığımızın siyasi xarakteri həm iqtisadi, həm ticarət əlaqələrində, həm də nəqliyyat əlaqələrinin inkişafı və texnoloji tərəfdaşlığın gücləndirilməsi təşəbbüslərində öz əksini tapır. Prezident İlham Əliyev bu gün Çinin müxtəlif sahələrdə - enerji və bərpa olunan enerjidən tutmuş texnologiya, rabitə və digər sənaye sahələrində fəaliyyət göstərən aparıcı şirkətlərinin rəhbərləri ilə görüşəcək. Əminik ki, bu səfər Azərbaycan-Çin iqtisadi-ticarət əlaqələrinin daha da möhkəmlənməsinə mühüm töhfə olacaqdır", - deyə H.Hacıyev qeyd edib.

Çin Azərbaycanın suveren inkişaf modelini dəstəkləyir. Bunu Çin Xalq Respublikasının Sədri Si Cinpin Çinin Tiencin şəhərində Azərbaycan Respublikasının Prezidenti İlham Əliyev ilə görüşü zamanı deyib. Çin Xalq Respublikasının Sədri ölkəmizin suveren inkişaf modelinin Çin tərəfindən dəstəkləndiyini dedi, Çinin başqa ölkələrin daxili işlərinə qarışmamaq prinsipinə sadiq olduğunu vurğuladı.

Çinin cənubundakı Quanqdun əyalətində 24–30 avqust tarixləri arasında çikunqunya virusuna 225 yeni yoluxma halı qeydə alınıb. Yoluxmaların 119-u iyulun əvvəlində xəstəliyin yayılmağa başladığı Foşan şəhərində, 49-u Quanqjouda, 16-sı Şençjendə, digərləri isə əyalətin digər şəhərlərində aşkar edilib. Bildirilir ki, bütün yoluxanlar xəstəliyi yüngül formada keçirir. Məlumata görə, Quanqdun əyalətində ağcaqanadların yaydığı bu virusla bağlı yoluxma hallarının azalma tendensiyası müşahidə olunur. Belə ki, avqustun 3–9-da 1 387, 10–16 avqustda 830, 16–23 avqustda isə 336 yoluxma qeydə alınmışdı.

Zəngəzur dəhlizinin açılması Azərbaycan və Çin arasında əlaqələrin inkişafı üçün əlavə imkanlar yaradacaq. Bunu Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Çinin Tiencin şəhərində jurnalistlərə açıqlamasında deyib. "Əməkdaşlığımızın digər mühüm sahəsi nəqliyyat kommunikasiyalarıdır. Azərbaycan bizim ərazimizdən keçən və Çinin “Bir kəmər, bir yol” təşəbbüsünün bir hissəsi olan Orta Dəhlizin inkişafında əsas rol oynayır", - deyə H.Hacıyev qeyd edib.

Azərbaycanla Çin arasında dostluq və tərəfdaşlıq münasibətləri var. Bunu Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Çinin Tiencin şəhərində jurnalistlərə açıqlamasında deyib.

Türkiyə Prezidenti Rəcəb Tayyib Ərdoğan Şanxay Əməkdaşlıq Təşkilatının (ŞƏT) 25-ci Dövlət Başçıları Şurasının Zirvə Toplantısında iştirak etmək üçün Çinə səfər edib. AzerVoice xəbər verir ki, Ərdoğanı Esenboğa hava limanında vitse-prezident Cevdet Yılmaz, Ankara valisi Vasip Şahin və digər rəsmi şəxslər yola salıblar.