ABŞ Dövlət Departamenti, Polşaya 780 milyon dollar dəyərində hərbi satışa – 2 min 506 ədəd Javelin raketi və 253 buraxılış qurğusunun verilməsinə rəsmi olaraq razılıq verib. Bu barədə məlumat ABŞ Müdafiə Nazirliyinə bağlı Müdafiə Təhlükəsizlik Əməkdaşlığı Agentliyi (DSCA) tərəfindən yayımlanıb.

Misir ərəb dövlətlərinin dəstəyini alaraq xarici təcavüzdən müdafiə məqsədilə NATO-ya bənzər hərbi ittifaq yaratmağı planlaşdırır. Məlumata görə, Qahirə ittifaqda lider mövqeyini tutmaq üçün təqribən 20 min hərbçisini birgə orduya daxil etməyi təklif edib. İkinci ən böyük kontingentin Səudiyyə Ərəbistanına, üçüncü yerin isə Körfəz ölkələrindən birinə ayrılması nəzərdə tutulur.

NATO, hərbi istehsalda material çatışmazlığının yaratdığı riskləri azaltmaq məqsədilə nadir torpaq elementlərinin təhlükəsiz və davamlı təchizatına yönələn yeni təşəbbüsə start verib. Qurum, bu addımla caydırıcılıq, hazırlıq və müdafiə istehsalının davamlılığını gücləndirməyi hədəfləyir. 24 iyun 2025-ci ildə keçirilən NATO Müdafiə Sənayesi Forumunda on iki müttəfiq ölkə, müdafiə üçün kritik hesab edilən xammalın birgə alınması, daşınması, saxlanılması və idarə edilməsini nəzərdə tutan yeni layihəyə razılıq verib. Beynəlxalq Strateji Araşdırmalar İnstitüsü (IISS) bu qərarın, tədarük zəncirindəki zəifliklərin hərbi əməliyyatlara təsirinə dair artan narahatlığı əks etdirdiyini vurğulayıb.

Türkiyə və İsrail arasındakı münasibətlər tarix boyu əməkdaşlıq və gərginlik mərhələləri ilə formalaşıb. Lakin ehtimal edilən bir hərbi qarşıdurma ssenarisini təhlil edərkən təkcə siyasi gərginlik deyil, hər iki dövlətin mövcud hərbi potensialı, beynəlxalq hüquqi öhdəlikləri və regiondakı geosiyasi reallıqlar da nəzərə alınmalıdır.

Türkiyənin xarici işlər naziri Hakan Fidan 11–12 sentyabr tarixlərində İtaliyaya işgüzar səfər edəcək. Səfər çərçivəsində Fidan İtaliyanın baş nazir müavini və xarici işlər naziri Antonio Tajani ilə görüşəcək, həmçinin Romadakı Istituto Affari Internazionali adlı beyin mərkəzində çıxış edəcək.

Polşa Silahlı Qüvvələri Rusiya ordusunun Ukraynaya hücumu zamanı Polşa hava məkanına daxil olan çoxsaylı pilotsuz uçuş aparatını (PUA) vurduğunu açıqlayıb. Baş nazir Donald Tusk açıqlamasında, Rusiyanın Ukraynanın Polşa sərhədinə yaxın bölgələrinə hücumu zamanı Polşa hava məkanında “çoxsaylı pozuntular” qeydə alındığını və cavab əməliyyatının davam etdiyini bildirib

Bu həftə Baltik ölkələrində yerləşdirilən NATO təyyarələri Estoniyanın hava məkanında təlimlər keçirəcək. Uçuşlar 8-14 sentyabr tarixlərində, yerli vaxtla saat 10:00-dan 22:00-dək planlaşdırılıb. Aşağı sürətli uçuşlar minimum 152 metr (500 fut) hündürlükdən aşağı olmayacaq. Pilotlar həmçinin müəyyən olunmuş zonalarda, hava hərəkətinin idarə olunması üzrə mülki xidmətlə razılaşdırılmaqla səsdən sürətli uçuşlar da həyata keçirə biləcəklər. Sentyabrın 8-i və 9-da saat 19:00-dan 22:00-dək Rakvere və Kadrina bölgələrində İtaliya Hərbi Hava Qüvvələrinə məxsus F-35 qırıcılarının iştirakı ilə hava hərəkəti dispetçerlərinin təlimləri keçiriləcək. Bu təlimlərin məqsədi dispetçerlərin mülki şəraitdə hava gəmiləri ilə qarşılıqlı fəaliyyət bacarıqlarını sınaqdan keçirməkdir.

Almaniyanın müdafiə sənayesi nəhəngi Rheinmetall, Aşağı Saksonya əyalətinin Unterlüß bölgəsində Avropanın ən böyük sursat istehsal zavodunun açılışını həyata keçirib. Cəmi 15 ay ərzində, 500 milyon avro sərmayə ilə inşa edilən zavod Avropada artan müdafiə tələbatını qarşılamaq məqsədi daşıyır və strateji əhəmiyyətə malik layihə hesab olunur. Açılış mərasimində Almaniyanın müdafiə naziri Boris Pistorius, maliyyə naziri Kristian Lindner, NATO-nun yeni baş katibi Mark Rutte və digər rəsmilər iştirak ediblər. Müdafiə naziri Pistorius çıxışında bildirib:

Azərbaycan ilə İran İslam Respublikası arasındakı münasibətlər Cənubi Qafqaz və Yaxın Şərqin geosiyasi xəritəsində ən mürəkkəb və çoxqatlı düyünlərdən birini təşkil edir. Burada əsrlərlə formalaşmış tarixi və mədəni bağlar, iqtisadi maraqlar, kəskin təhlükəsizlik məsələləri və ideoloji qarşıdurmalar bir-birinə qarışır. Xatırladaq ki, Azərbaycan 1991-ci ildə dövlət müstəqilliyini bərpa etdikdən sonra ardıcıl şəkildə Tehranla mehriban qonşuluq və qarşılıqlı faydalı münasibətlərin inkişafı üçün çalışıb. Fəqət bu yol təkcə əməkdaşlığın gülləri ilə deyil, həm də etimadsızlıq, şübhəçilik və İranın təsirli dairələrindən açıq müqavimətin tikanları ilə dolu olub. Bu təhlilin məqsədi həmin ziddiyyətlərin düyünlərini açmaq, obyektiv çətinlikləri süni yaradılmış problemlərdən ayırmaq və göstərməkdir ki, mövcud gərginliklərə baxmayaraq, İran üçün strateji maraq qarşıdurmada deyil, Bakı ilə çoxşaxəli əməkdaşlığın dərinləşdirilməsindədir.

Bir neçə gündür axtarılan kanadalı hərbçi Latviyada ölü halda tapılıb. Bununla bağlı məlumatı Kanada Silahlı Qüvvələri yayıb. Bildirilib ki, sentyabrın 2-dən bəri itkin düşmüş hərbçi Corc Holl sentyabrın 5-də ölü vəziyyətdə aşkarlanıb. Ordunun açıqlamasına görə, Hollun ölüm səbəbi və cəsədin hansı şəraitdə tapıldığı barədə hələlik məlumat verilmir. Kanada ordusu Latviya hakimiyyəti ilə birgə araşdırma aparır. Kanadanın baş naziri Mark Karni hadisədən kədərləndiyini bildirib, mərhumun ailəsinə, dostlarına və silahdaşlarına başsağlığı verib.

İtaliyanın nüfuzlu qəzetlərindən Il Gazzettino, Türkiyənin qlobal siyasətdəki həlledici rolunu ön plana çıxaran geniş təhlil dərc edib. Qəzetin baş redaktoru Roberto Papettinin imzası ilə yayımlanan yazıda vurğulanır ki, nə NATO, nə də Avropa Türkiyədən vaz keçə bilməz, çünki Ankara olmadan nə regional, nə də qlobal təhlükəsizlik təmin oluna bilər. Məqalədə Türkiyənin Pekində keçirilən BRİKS Zirvəsinə qatılması Qərb mediasında müzakirə mövzusu kimi göstərilir. Papetti qeyd edir ki, bu addım NATO daxilində müəyyən narahatlıq doğursa da, Türkiyənin Asiya ilə iqtisadi əlaqələrini gücləndirməsi və yeni əməkdaşlıqlara açıq olması Ankaranı qlobal sistemin mərkəzində əvəzolunmaz aktora çevirir.

İsrail ordusunun istefada olan polkovniki Eran Lerman Türkiyə ilə mümkün qarşıdurma ssenarilərinə dair diqqətçəkən açıqlamalar verib. Lerman bildirib ki, İsrail ordusu NATO-nun ikinci ən böyük gücü olan Türkiyə ordusu ilə müharibəyə hazır deyil. “Biz belə böyük bir ordu ilə müharibəyə qətiyyən hazır deyilik. Ümid edirəm ki, heç vaxt bu həddə çatmarıq”-deyə o bildirib. Onun sözlərinə görə, İsrailin imkanları məhduddur, lakin ölkənin dəniz qüvvələri istedadlı və cəsurdur, havada isə üstünlüklərin mövcud olduğuna inanır. “Bütün bunlara baxmayaraq, Türkiyənin quru qoşunları çox böyükdür və biz onlarla birbaşa müharibəyə heç vaxt girməməliyik”- deyə o əlavə edib.