Efiopiyanın cənubunda yayılan “Marburq” virusu səbəbilə rəsmi olaraq epidemiya elan edilib. Afrika İttifaqının Xəstəliklərə Nəzarət Mərkəzi (CDC Africa) və Ümumdünya Səhiyyə Təşkilatının (ÜST) məlumatına görə, virus indiyə qədər ən azı 9 insanda təsdiqlənib. ÜST-nin baş direktoru Tedros Adhanom Qebreyyesus bildirib ki, virus Efiopiyanın Cənub Bölgəsində yayılıb və ölüm riski 90 faizə qədərdir. Xəstəliyə səbəb olan “Marburq” virusu Ebola ailəsindən olub, əsasən meyvə ilə qidalanan yarasalardan insanlara keçir.