Türkiyənin müdafiə sənayesində yeni addım atan ASELSAN, “Çelik Kubbe” hava hücumundan müdafiə sisteminə əlavə olunan yeni nəsil Anti-PUA silahı EJDERHA-nı təqdim edib. Müdafiə eksperti Eray Güçlüer, sistemin texnoloji imkanlarını dəyərləndirərək onun həm dronlara, həm də mina və əl istehsalı partlayıcılara (EYP) qarşı əhəmiyyətli üstünlüklər qazandırdığını vurğulayıb.

Polşa Rusiya ilə diplomatik münasibətləri kəsmək üçün əsas görmür. Bununla bağlı Polşanın xarici işlər naziri Radoslav Sikorski jurnalistlərə açıqlama verib. “Diplomatiyada əlaqə kanalları yalnız dostlarla deyil, həm də rəqiblər və düşmənlərlə saxlanılır. Buna görə də hələlik diplomatik münasibətləri kəsmək üçün səbəb görmürəm” – deyə, o bildirib.

ABŞ prezidenti Donald Tramp bu həftənin əvvəlində Polşanın hava məkanına daxil olmuş pilotsuz uçuş aparatları (PUA) ilə bağlı insidentlərdə heç kimi müdafiə etmək niyyətində olmadığını bildirib. O, bu barədə “Fox News”-a açıqlamasında danışıb. “Mən heç kimi müdafiə etməyəcəyəm. Onlar (PUA-lar – red.) vurulub, amma ümumiyyətlə Polşaya yaxınlaşmamalı idilər” - deyə, Tramp qeyd edib.

İsrailin Qəzzaya tətbiq etdiyi blokadanı yarmaq üçün yola çıxan Azadlıq (Sumud) Flotiliyasına qarşı növbəti pilotsuz uçuş aparatı (PUA) hücumu həyata keçirilib. Flotiliya rəhbərliyinin açıqlamasına görə, hücum nəticəsində xəsarət alan olmayıb, lakin gəmilərdən birində yanğın baş verib və Tunisli xilasedicilər tərəfindən qısa müddətdə söndürülüb.

Türkiyə Prezidenti Rəcəb Tayyib Ərdoğan milli hava hücumundan müdafiə sistemi olan “Çelik Kubbe” ilə bağlı önəmli açıqlamalar verib. Türkiyə Prezidentinin sözlərinə görə, bu sistem Türkiyəni hava hücumlarına qarşı müdafiədə yeni mərhələyə daşıyır və ölkəni daha güclü müdafiə qabiliyyətinə sahib dövlətlər sırasına çıxarır. “Sistemlər sistemi olan Çelik Kubbe ilə hava hücumundan müdafiədə artıq fərqli bir liqanın oyunçusu halına gəlirik”, – deyə Ərdoğan bildirib. Türkiyə Prezidenti Ərdoğan, sistemə yönəlmiş bəzi tənqidi fikirlərə də münasibət bildirib. O, “Çelik Kubbe vətəndaşı deyil, tərəfdarı qoruyacaq” deyən çevrələri “gözünü nifrət bürümüş güruh” adlandırıb və bu cür yanaşmanın milli təhlükəsizlik baxımından ciddi narahatlıq doğurduğunu vurğulayıb.

İsrailin aparıcı silah istehsalçılarından biri olan Elbit Systems, Böyük Britaniyanın Bristol şəhərində yerləşən Aztec West biznes-parkındakı zavodunu bağlayıb. Müəssisənin bağlanması, aylarla davam edən və “Palestine Action” fəal qrupunun keçirdiyi etiraz aksiyalarının nəticəsi kimi qiymətləndirilir. Şirkət hazırda Britaniyada 16 fərqli məkanda fəaliyyət göstərir və 680 nəfəri işlə təmin edir. Elbit Systems, İsrail ordusunun əsas pilotsuz uçuş aparatları (PUA) təchizatçısı hesab olunur. Buna baxmayaraq, şirkət 4,7 milyon funt sterlinq zərər açıqlayıb. Maliyyə çətinliklərinə rəğmən, Elbit, Britaniya Müdafiə Nazirliyinin 2 milyard funt sterlinqlik müqaviləsi uğrunda konsorsiumda iştirak edib.

Almanya hökuməti, İsrailin Qəzzadakı hərbi əməliyyatlarına görə artan beynəlxalq tənqidlərə baxmayaraq, bu ölkədən pilotsuz uçuş aparatları (PUA) almaq üçün addım atır. Təxminən 1 milyard avro dəyərindəki müqavilə ilin sonuna qədər parlamentin təsdiqinə təqdim olunacaq. Paket yalnız PUA-ları deyil, həm də 20 ədəd Eurofighter qırıcı təyyarəsi, çox sayda tank və zirehli texnika sifarişini də əhatə edir.

Bayraktar KIZILELMA layihəsinə 2021-ci ildə start verilib. İlk prototip — TC-ÖZB quyruq nömrəli KIZILELMA — 14 noyabr 2022-ci ildə istehsal xəttindən çıxaraq Çorlu AKINCI Uçuş Təlim və Sınaq Mərkəzinə gətirilib. Burada uğurla yer testlərini tamamladıqdan sonra təyyarə 14 dekabr 2022-ci ildə ilk uçuşunu həyata keçirib.

İsrail ordusu bu gün Yəməndən buraxılan pilotsuz uçuş aparatını (PUA) ölkənin hava məkanına daxil olmadan məhv edib. “Yəmən ərazisindən buraxılan PUA İsrail sərhədlərinə daxil olmadan zərərsizləşdirilib. Tətbiq edilən siyasətə uyğun olaraq heç bir siqnalizasiya işə salınmayıb” - deyə, ordunun bəyanatda qeyd olunub. Bundan əvvəl İsrailin rəsmi yayım qurumu Yəməndən İsrail istiqamətində buraxılan dronun izlənildiyini və ordunun onu məhv etməyə hazırlaşdığını bildirmişdi.

Leavitt, “Prezident Tramp Kiyev hücumlarından narazıdır, lakin təəccüblənmir. Bunlar çox uzun müddətdir müharibə şəraitində olan iki ölkədir,” – deyə qeyd edib. O, Trampın hər iki tərəfi müharibəyə son qoymağa çağırdığını, Rusiyanın Kiyevə hücum etdiyini, Ukraynanın isə Rusiyanın neft emalı zavodlarını vurduğunu vurğulayıb. Leavitt əlavə edib ki, Tramp sülh üçün çalışsa da, müharibənin bitməsi üçün hər iki ölkənin liderlərinin də bunu istəməsi lazımdır.

Livanın cənubunda qəzaya uğrayan İsrailə məxsus pilotsuz təyyarə yoxlama zamanı partlayaraq iki Livan əsgərinin həlak olmasına səbəb olub.

Leonardo-nun açıqlamasına görə, Avropa pilotsuz döyüş təyyarələri bazarının önümüzdəki on ildə 100 milyard dollar dəyərində olacağı gözlənilir. Baykar-Leonardo birgə müəssisəsi bu bazarda liderlik etmək üçün istehsala zəmanət verəcək. TB3-ün yekun montajının 2026-cı ilin yanvarında İtaliyanın Leonardo fabrikində aparılacağı bildirilib. X platformasında yayılan məlumatlar, bu ortaqlığın Türkiyənin qlobal müdafiə sənayesindəki nüfuzunu daha da artırdığını vurğulayır.