BAKI, AzerVoice, Nərmin Ağayeva

Ağ Evin mətbuat katibi Karolin Leavitt Rusiyanın Kiyevə son hücumları ilə bağlı bəyanatında ABŞ Prezidenti Donald Trampın bu hücumlardan narazı olduğunu, lakin təəccüblənmədiyini bildirib.

AzerVoice xəbər verir ki, Leavitt, “Prezident Tramp Kiyev hücumlarından narazıdır, lakin təəccüblənmir. Bunlar çox uzun müddətdir müharibə şəraitində olan iki ölkədir,” – deyə qeyd edib. O, Trampın hər iki tərəfi müharibəyə son qoymağa çağırdığını, Rusiyanın Kiyevə hücum etdiyini, Ukraynanın isə Rusiyanın neft emalı zavodlarını vurduğunu vurğulayıb. Leavitt əlavə edib ki, Tramp sülh üçün çalışsa da, müharibənin bitməsi üçün hər iki ölkənin liderlərinin də bunu istəməsi lazımdır.

Rusiyanın ötən gecə Kiyevə pilotsuz uçuş aparatları və raket hücumları nəticəsində 4-ü uşaq olmaqla 18 nəfər həyatını itirib.

Avqustun 15-də Tramp və Rusiya Prezidenti Vladimir Putin Alyaskada görüşüb, burada Ukrayna münaqişəsinin həlli əsas gündəm olub. Putin Trampı Moskvaya dəvət etsə də, danışıqlarda tam razılıq əldə olunmayıb. Avqustun 19-da Vaşinqtonda Ukrayna və Avropa liderləri ilə keçirilən görüşlərdə isə təhlükəsizlik təminatları müzakirə edilib