Türkiyə Daxili İşlər Nazirliyi, Ankara Böyükşəhər Bələdiyyəsi (ABB) tərəfindən həyata keçirilən konsert xərcləri ilə bağlı iddialar çərçivəsində, ABB sədri Mansur Yavaş və Xüsusi Katib Nevzat Uzunoğlu haqqında vəzifə səlahiyyətlərini sui-istifadə və nəzarət vəzifəsini yerinə yetirməmək ittihamları ilə araşdırma aparılması üçün icazə verib.

Türkiyənin daxili işlər naziri Ali Yerlikaya Türkiyə Silahlı Qüvvələrinə məxsus “C-130” təyyarəsinin Gürcüstan ərazisində qəzaya uğradığı Sqinaxi bölgəsinə gedib.

Türkiyənin 45 vilayətində son iki həftə ərzində FETÖ terror təşkilatına qarşı keçirilən əməliyyatlar zamanı 178 nəfər saxlanılıb. Onlardan 67-si həbs edilib, 48 nəfər barəsində isə məhkəmə nəzarəti qərarı çıxarılıb. Digərlərinin istintaqı davam edir. Türkiyənin daxili işlər naziri ali Yerlikaya bildirib ki, əməliyyatlar Respublika Baş Prokurorluqları ilə Polis Baş İdarəsinin Terrorla Mübarizə (TEM), Qaçaqmalçılıq və Mütəşəkkil Cinayətlərlə Mübarizə (KOM) və Kəşfiyyat İdarələrinin koordinasiyasında, vilayət polis idarələrinin müvafiq şöbələri tərəfindən həyata keçirilib.

Türkiyənin daxili işlər naziri Ali Yerlikaya 41 əyalətdə eyni vaxtda keçirilən silah və sursat qaçaqmalçılığına qarşı əməliyyatlar barədə məlumat verib. Nazir sosial media hesabında paylaşdığı açıqlamada 135 nəfərin saxlanıldığını bildirib. Ali Yerlikayanın sözlərinə görə, Adana, Ərzincan və Van mərkəz olmaqla həyata keçirilən əməliyyatlar zamanı 95 ədəd lisenziyasız tapança, 3 min 116 ədəd pnevmatik tapançadan çevrilmiş odlu silah, 31 ədəd qeydiyyatsız ov tüfəngi, 2 ədəd əl bombası və 19 min 467 ədəd silah hissəsi ələ keçirilib.

Türkiyənin daxili işlər naziri Ali Yerlikaya bildirib ki, daxili qoşunlar tərəfindən yeddi vilayətdə aparılan genişmiqyaslı əməliyyatlar nəticəsində səkkiz mütəşəkkil cinayət şəbəkəsi zərərsizləşdirilib, ümumilikdə 64 nəfər saxlanılıb. Nazir sosial media hesabında paylaşdığı açıqlamada qeyd edib ki, bu əməliyyatların əsas məqsədi şəhərlərin təhlükəsizliyini və vətəndaşların rahatlığını təmin etməkdir.

Türkiyənin daxili işlər naziri Ali Yerlikaya, kibercinayətlərlə mübarizə çərçivəsində 59 vilayətdə 10 gündür davam edən əməliyyatlarda 539 şübhəlinin saxlanıldığını açıqlayıb. Nazir Yerlikaya sosial media hesabında paylaşdığı açıqlamada, əməliyyatların Türkiyə Daxili İşlər Nazirliyinə bağlı Polis Baş İdarəsinin Kibercinayətlərlə Mübarizə İdarəsi və Mali Cinayətləri Araşdırma Şurası (MASAK) tərəfindən həyata keçirildiyini bildirib.

Qonşu ölkələrdən Suriyaya qayıdan qaçqınların sayı 1 milyon 290 min nəfərə çatıb. Bu barədə Türkiyənin daxili işlər naziri Əli Yerlikaya, Suriyaya könüllü geri dönüşlərlə bağlı sosial media hesabında etdiyi paylaşımında bildirib. Nazir bildirib ki, 8 dekabr 2024-dən bu günə qədər isə 550 min suriyalı öz ölkəsinə qayıdıb. Nazir həmçinin qeyd edib ki, Suriya daxilində 8 dekabr 2024-dən sonra yaşanan siyasi dəyişikliklər geri dönüşləri sürətləndirib. Nazir Türkiyənin qaçqınlara dəstəyini xatırladaraq “zülm, aclıq və müharibə şəraitində qalan insanlara heç vaxt arxa çevirmədik, onların səsini eşitməməzlikdən gəlmədik. Həmişə haqqın və məzlumun yanında olduq.”- deyib.

Türkiyə Daxili İşlər Naziri Ali Yerlikaya bildirib ki, Suriyada Əsəd rejiminin 8 dekabr 2024-cü ildə devrilməsindən sonra Türkiyədən öz ölkəsinə qayıdan Suriyalıların sayı 550 mini ötüb. Nazir qeyd edib ki, bu rəqəm yalnız son bir il ərzində həyata keçirilən geri dönüşləri əhatə edir. Ali Yerlikaya əlavə edib ki, 2016-cı ildən bəri könüllü, təhlükəsiz və nizamlı şəkildə Suriyaya qayıdan Suriyalıların ümumi sayı 1 milyon 290 min nəfərə çatıb. O, Türkiyənin köç və sığınacaq siyasətinin humanitar prinsiplərə əsaslandığını və məcbur durumda olanlara dəstək verdiyini vurğulayıb.

Türkiyənin daxili işlər naziri Ali Yerlikaya, FETÖ terror təşkilatına qarşı ölkə üzrə keçirilən əməliyyatlar nəticəsində 56 şübhəlinin saxlanıldığını, onlardan 50 nəfərin məhkəmənin qərarı ilə həbs olunduğunu açıqlayıb. Yerlikayanın sözlərinə görə, Ankara, İstanbul, İzmir də daxil olmaqla 31 şəhərdə jandarma qüvvələri tərəfindən həyata keçirilən əməliyyatlar Respublika Baş Prokurorluqları və Jandarmanın Terrorla Mübarizə İdarəsinin (TEM) koordinasiyası ilə icra edilib.

Türkiyənin Daxili İşlər Naziri Əli Yerlikaya açıqlayıb ki, Sinop mərkəzli 6 vilayətdə keçirilən kiber cinayətlər əməliyyatlarında 32 şübhəli saxlanılıb, onlardan 30-u həbs edilib. Əməliyyatlar “cinayət törətmək məqsədilə təşkilat yaratmaq” və Futbol və Digər Bahis Yarışlarında Bahis və Şans Oyunlarının Tənzimlənməsi Qanununa zidd fəaliyyət ilə bağlı aparılıb. Saxlanılan şəxslərin hesablarında ümumilikdə 524,5 milyon TL-lik əməliyyat hərəkəti aşkar olunub.

Dünən Türkiyə üzrə 81 vilayətdə eyni vaxtda miqrant qaçaqçılığı təşkilatçıları və qeyri-qanuni miqrantlara qarşı genişmiqyaslı əməliyyatlar keçirilib. Türkiyə Daxili İşlər Naziri Ali Yerlikaya bildirib ki, həyata keçirilən yoxlamalar zamanı 132-si xarici ölkə vətəndaşı olmaqla, ümumilikdə 169 qaçaqçılıq təşkilatçısı saxlanılıb. Eyni zamanda, 430,454 nəfərin şəxsiyyət yoxlanışı aparılmış və 783 qeyri-qanuni miqrant aşkar edilərək saxlanılıb.

Türkiyənin Daxili İşlər naziri Ali Yerlikaya ölkə üzrə keçirilən kiber cinayət əməliyyatlarında 61 şübhəlinin saxlanıldığını açıqlayıb. Nazir Yerlikaya X sosial media hesabında yayımladığı açıqlamada bildirib ki, Erzurum, Ankara, Van, Şanlıurfa, Ordu, Kahramanmaraş, Sinop, Ağrı və Giresun mərkəzli əməliyyatlarda, ümumilikdə 200 milyon lirəlik maliyyə dövriyyəsinə malik kiber şəbəkə çökdürülüb.