İndoneziyada 16 yaşından kiçik uşaqların sosial media platformalarından istifadəsinə qadağa qoyan qanun qüvvəyə minib. Bu addımla Cakarta rəhbərliyi Cənub-Şərqi Asiyada belə bir tətbiqi başladan ilk ölkə olub. Mərhələli şəkildə tətbiq olunacaq bu qadağa çərçivəsində YouTube, TikTok, Facebook, Instagram, Threads, X, Bigo Live və Roblox kimi məşhur platformalara 16 yaşdan aşağı istifadəçilərin girişi məhdudlaşdırılacaq. Rabitə və Rəqəmsal İşlər Naziri Meutya Hafid ölkədə fəaliyyət göstərən bütün rəqəmsal platformalara xidmətlərini dərhal yeni qanunvericiliyə uyğunlaşdırmaq barədə tapşırıq verib.

Yunanıstan hökuməti 15 yaşınadək uşaqların sosial media platformalarından istifadəsinin qadağan edilməsi ilə bağlı hazırlıqları yekunlaşdırmaq üzrədir. Rəsmi Afina rəqəmsal mühitdə uşaqların təhlükəsizliyini təmin etmək məqsədilə yeni məhdudiyyətlər üzərində işləyir. Yunanıstanın Rəqəmsal İdarəetmə Nazirliyi tərəfindən hazırlanan layihədə yaşın müəyyən edilməsi üçün mühüm infrastrukturdan istifadə olunacaq. Qeyd olunur ki, 2025-ci ilin noyabr ayından etibarən tətbiq edilən "Kids Wallet" proqramı uşaqların yaşını dəqiq təsdiqləmək üçün lazımi bazanı təmin edir. Bu sistem vasitəsilə platformalara daxil olan istifadəçilərin yaş həddinə uyğun olub-olmadığı yoxlanılacaq.

Avstraliyada 16 yaşdan kiçik uşaqların sosial mediaya girişini qadağan edən yeni qaydanın qüvvəyə minməsinə günlər qalmış, ABŞ-ın texnologiya şirkəti Meta, Facebook və İnstagramda təxminən yarım milyon hesabı bağlamağa başlayıb. 10 dekabrda tətbiq olunacaq qadağaya əsasən, Meta noyabr ayında etdiyi açıqlamadan sonra, bu gündən etibarən 16 yaşdan kiçik olduğunu müəyyən etdiyi istifadəçilərin hesablarını deaktiv etməyə başlayıb.

Toplantıda TDT-nin Baş katibinin müavini Ömər Kocaman, Azərbaycan Media İnkişafı Agentliyinin icraçı direktoru Əhməd İsmayılov, Qazaxıstanın mədəniyyət və informasiya nazirinin müavini Kanat İskakov, Qırğızıstanın Azərbaycandakı səfiri Maksat Mamıtkanov, Türkiyənin Kommunikasiya İdarəsinin sədr müavini Fərhad Pirinçi, Özbəkistanın Prezident Administrasiyası yanında KİV üçün Kontent İstehsalı Mərkəzinin direktoru Kobuljon Axmedov və Şimali Kipr Türk Respublikasının xarici işlər naziri Tahsin Ertuğruloğlu çıxış edib.

Böyük Britaniyada yerləşən Cambridge Dictionary-nin açıqlamasına görə, yeni sözlər arasında sosial mediada populyarlaşan "skibidi" və "tradwife" kimi ifadələr də yer alacaq. "Skibidi" sözü YouTube-da yayılan animasiya serialından qaynaqlanaraq bəzən “sərin”, bəzən də mənasız bir ifadə kimi işlədilir. "Tradwife" isə ənənəvi evdar qadın həyat tərzini təsvir etmək üçün istifadə olunur. Həmçinin, lüğətə “bro” və “oliqarxiya” sözlərindən əmələ gələn “broliqarxiya” da əlavə edilib. Bu termin son dərəcə varlı və güclü kişilərdən ibarət kiçik bir qrup, xüsusən də texnologiya sektorunda olanları təsvir etmək üçün istifadə olunur.

AzerVoice xəbər verir ki, bu barədə San Fransisko Kaliforniya Universitetinin (UCSF) apardığı və JAMA Network Open jurnalında dərc edilən üç illik araşdırmaya əsasən bildirilir.