İranın Xarici İşlər naziri Abbas Əraqçi İsrail Baş naziri Binyamin Netanyahunun korrupsiya işi üzrə məhkəmə prosesinin yenidən başlamasına toxunaraq, regional sülhün İsrailin daxili siyasətinə təsir edəcəyini iddia edib. Nazir sosial media hesabı vasitəsilə yaydığı bəyanatda Netanyahunun məhkəmə qarşısına çıxarılmasını atəşkəs prosesi ilə əlaqələndirib.

Azərbaycan Respublikasının xarici işlər naziri Ceyhun Bayramov ilə İran İslam Respublikasının xarici işlər naziri Seyid Abbas Əraqçi arasında telefon danışığı baş tutub. Telefon danışığı zamanı tərəflər regionda mövcud təhlükəsizlik vəziyyəti və əldə olunmuş atəşkəs barədə fikir mübadiləsi aparıblar. Nazir Ceyhun Bayramov elan olunmuş atəşkəsi alqışlayıb. Atəşkəsin təmin olunmasının gərginliyin azaldılması, danışıqların uğurla nəticələnməsi və sabitliyin bərqərar olunması baxımından əhəmiyyəti vurğulanıb.

Türkiyənin xarici işlər naziri Hakan Fidan bu gün (6 aprel 2026-cı il) iranlı həmkarı Abbas Əraqçi ilə telefon əlaqəsi saxlayıb. Diplomatik mənbələrdən əldə edilən məlumata görə, nazirlər bölgədəki son hərbi-siyasi vəziyyəti və davam edən müharibənin gedişatını ətraflı müzakirə ediblər. Görüş zamanı nazir Hakan Fidan Türkiyənin regionda sabitliyin bərpası ilə bağlı narahatlıqlarını ifadə edib və mülki əhalinin təhlükəsizliyinin qorunmasının vacibliyini vurğulayıb.

Məlumata görə, iki mərhələli yanaşmanı ehtiva edən təklifə əsasən, ilkin mərhələdə dərhal atəşkəs qüvvəyə minməli, daha sonra isə 15–20 gün ərzində hərtərəfli razılaşma üzərində danışıqlar aparılmalıdır. Planın eyni zamanda Hörmüz boğazının yenidən açılmasını təmin etməsi nəzərdə tutulur.

İranın xarici işlər naziri Abbas Əraqçi ABŞ və İsrailin Fars körfəzi sahilində yerləşən Buşehr Nüvə Enerji Stansiyasına endirdiyi zərbələrlə bağlı kəskin xəbərdarlıq edib. Nazir sosial media hesabından paylaşdığı mesajda beynəlxalq birliyin bu hücumlar qarşısındakı səssizliyini tənqid edib. Əraqçi Qərb dövlətlərinin Ukraynadakı Zaporojye nüvə stansiyası ətrafındakı döyüşlərə göstərdiyi kəskin reaksiyanı xatırladaraq, Buşehr stansiyasının artıq dördüncü dəfə bombalandığını vurğulayıb. O bildirib ki, stansiyada baş verə biləcək hər hansı radioaktiv sızıntı və ya serpinti təkcə İranı deyil, Körfəz Əməkdaşlıq Şurasına üzv olan qonşu ərəb ölkələrinin paytaxtlarındakı həyatı tamamilə iflic edə və sonlandıra bilər.

ABŞ Prezidenti Donald Tramp İranla davam edən müharibənin iki-üç həftə ərzində başa çata biləcəyini və Tehranın bunun üçün mütləq yeni bir saziş imzalamasına ehtiyac olmadığını bəyan edib. Lakin İranın xarici işlər naziri Abbas Əraqçi "Al Jazeera" telekanalına müsahibəsində Vaşinqtonla mesaj mübadiləsinin aparıldığını təsdiqləsə də, rəsmi Tehranın ABŞ-a etimadının "sıfır" olduğunu və hazırda heç bir real danışıqların getmədiyini bildirib. Diplomatik çıxılmaz vəziyyət fonunda ABŞ və İsrailin İranın daxili bölgələrinə, o cümlədən sənaye və mülki obyektlərinə zərbələri davam edir.

Azərbaycanın xarici işlər naziri Ceyhun Bayramov iranlı həmkarı Abbas Əraqçinin Azərbaycana təşəkkür etməsinə münasibət bildirib. Bu barədə Ceyhun Bayramov “X” sosial media hesabında paylaşım edib. Paylaşımda qeyd olunub: “Səmimi sözləriniz və təşəkkürünüz bizim üçün dəyərlidir. Azərbaycan və İran xalqları dost və qardaş xalqlardır. Bu, eləcə də iki ölkə arasında qarşılıqlı hörmət münasibətlərimizin və tarixi bağların təməlini təşkil edir.

Azərbaycan hökumətinə və xalqına humanitar yardımlara görə təşəkkürümü bildirirəm

Birləşmiş Ştatlar və İsrail İranın xarici işlər naziri Abbas Əraqçi və parlament sədri Məhəmməd Baqir Qalibafın adlarını hədəf alınacaq şəxslər siyahısından müvəqqəti olaraq çıxarıb.

İran Xarici İşlər Nazirliyi ölkənin xarici siyasət idarəsinin rəhbəri Abbas Əraqçi ilə misirli həmkarı Bədr Əbdülati arasında telefon danışığının baş tutduğu barədə rəsmi məlumat yayıb. Tərəflər bölgədəki hərbi eskalasiyanın ağır nəticələrini və sülh imkanlarını dəyərləndiriblər. İran XİN-in bəyanatına görə, Abbas Əraqçi misirli həmkarı ilə söhbətində ABŞ və İsrailin İrana qarşı həyata keçirdiyi hərbi təcavüzün bölgədə yaratdığı təhlükəli fəsadları geniş müzakirə edib. Əraqçi Tehranın bu hücumlara qarşı mövqeyini bir daha vurğulayıb.

Hörmüz Boğazı açıqdır və gəmilər yalnız Tehranla əlaqə saxladıqda təhlükəsiz keçid təmin ediləcək. “Biz bu boğazı bağlamamışıq. Boğaz açıqdır. Yalnız düşmən ölkələrin, bizə hücum edən dövlətlərin gəmiləri üçün bağlıdır. Digər ölkələr üçün isə gəmilər boğazdan keçə bilər”- deyə o bildirib.

İran Xarici İşlər naziri Abbas Əraqçi İngiltərənin ABŞ-a hərbi baza təmin etməsini sərt tənqid edərək bildirib ki, bu addım “İrana qarşı hücuma iştirak” kimi qiymətləndiriləcək və ölkənin suverenliyini və müstəqilliyini müdafiə etmək hüququ qorunur.