Ukrayna Prezidenti Volodimir Zelenski ABŞ-ın Ukraynaya təqdim etməyi planlaşdırdığı təhlükəsizlik zəmanətləri ilə bağlı irəli sürdüyü şərtlərlə razı olmadığını açıqlayıb. Zelenski bildirib ki, ABŞ təhlükəsizlik zəmanətləri üzərində işləyir, lakin ilkin mərhələdə ərazi mübadiləsi və ya oxşar məsələlərin həllini şərt kimi irəli sürür. Ukrayna lideri daha əvvəl danışıqlarda Kiyev üçün prioritet məsələnin məhz təhlükəsizlik zəmanətləri olduğunu bildirmişdi.

Ukrayna Prezidenti Volodimir Zelenski ABŞ Prezidenti Donald Trampın münaqişənin tezliklə razılaşma yolu ilə həll olunması ilə bağlı çağırışlarına sərt reaksiya verib. Ukrayna mətbuatında yayılan məlumatlara görə, Zelenski Tramp administrasiyasından gələn “kompromislər üçün vaxtdır” mesajlarına cavab olaraq bildirib ki, Ukrayna indiyədək kifayət qədər güzəştlərə gedib və əlavə kompromislər ölkənin təhlükəsizliyi təmin olunmadan mümkün deyil.

Birləşmiş Ərəb Əmirliklərinin paytaxtı Əbu-Dabidə Rusiya, Ukrayna və ABŞ arasında keçirilən üçtərəfli danışıqlar konkret tapşırıqlar siyahısının hazırlanması ilə yekunlaşıb. Görüşün nəticəsi kimi Kiyev, Moskva və Vaşinqtona təqdim olunacaq “ev tapşırıqları” siyahısı formalaşdırılıb və növbəti danışıqlar raundu məhz bu tapşırıqların icrası əsasında baş tutacaq.

Ukrayna tərəfi Rusiyanın paytaxt Kiyev və Xarkiv şəhərlərinə raket və pilotsuz uçuş aparatları (PUA) ilə hava hücumları həyata keçirdiyini bildirib. Kiyev şəhərinin meri Vitali Kliçko sosial şəbəkə hesabında verdiyi açıqlamada, Rusiya ordusunun paytaxta PUA hücumu təşkil etdiyini qeyd edib. Onun sözlərinə görə, hücum nəticəsində şəhərdə uşaq bağçası və bir neçə yaşayış binası zərər görüb, ilkin məlumata əsasən iki nəfər yaralanıb.

Latviya və Estoniya rəhbərliyi Avropa İttifaqını Rusiya ilə birbaşa danışıqlara başlamağa çağırıb və bu məqsədlə Aİ-nin xüsusi nümayəndəsinin təyin olunmasını təklif edib. Latviyanın Baş naziri Evika Siliņa və Estoniya Prezidenti Alar Karis Avropa İttifaqının Rusiya ilə dialoq prosesində birbaşa iştirak etməsinin vacibliyini vurğulayıblar.

Ukraynanın paytaxtı Kiyev də daxil olmaqla bir sıra şəhərlərdə genişmiqyaslı elektrik enerjisi kəsintiləri qeydə alınıb. Kiyev meri Vitali Kliçko sosial şəbəkə hesabında bildirib ki, enerji təchizatının dayanması səbəbindən paytaxt metrosunun fəaliyyəti müvəqqəti olaraq dayandırılıb.

Macarıstan Baş naziri Viktor Orban Ukraynaya hərbi və maliyyə dəstəyi göstərmək məsələsində sərt mövqe nümayiş etdirib. Orban daha əvvəl Ukraynanın Avropa İttifaqı və NATO-ya mümkün üzvlüyünü müharibəyə aparan yol kimi qiymətləndirmiş, Kiyevin Qərb ölkələri ilə Rusiya arasında "tampon zona" kimi qalmasının vacib olduğunu vurğulamışdı.

Azərbaycanın Ukraynaya humanitar yardım üçün elektrik avadanlıqlarından ibarət növbəti yükü Sumqayıtdan göndərilib.

Ukrayna üçün konkret təhlükəsizlik zəmanətləri təkcə Ukrayna ərazisində deyil, həm də bütün Avropa üçün təhlükə yaradan müharibənin dəqiq bitmə tarixinin müəyyənləşdirilməsinə yol aça bilər. Bunu Ukrayna Prezidenti Volodimir Zelenski Litvaya səfəri zamanı bildirib. Zelenskinin sözlərinə görə, ABŞ ilə ikitərəfli təhlükəsizlik zəmanətləri Ukrayna üçün əsasdır. Müvafiq sənəd artıq hazırdır və Ukrayna tərəfdaşların imzalaması üçün müvafiq status verməyə hazır olduğunu gözləyir.

Avropa çempionatının final mərhələsinin oyunlarını idarə edən hakimlər arasında Azərbaycanın FİFA referisi Hikmət Qafarlı da var. O, B qrupunda keçiriləcək Ukrayna – Litva oyununun birinci hakimi olacaq.

NATO Baş Katibi Mark Rutte İsveçrənin Davos şəhərində keçirilən Dünya İqtisadi Forumu çərçivəsində “Avropa özünü müdafiə edə bilərmi?” adlı paneldə çıxış edərək, Qrenland məsələsinin dostane şəkildə həll edilməli olduğunu, lakin əsas problemin Ukrayna olduğunu bildirib. Rutte çıxışında deyib ki, Ukrayna bir nömrəli prioritet olmalıdır, çünki bu, həm Avropanın, həm də ABŞ-ın təhlükəsizliyi üçün həyati əhəmiyyət daşıyır. O, həmçinin Qrenland məsələsində arxa planda işlədiyini, lakin bunu ictimaiyyətə açıqlaya bilmədiyini vurğulayıb.

Azərbaycan Respublikası tərəfindən Ukraynaya humanitar yardım məqsədilə nəzərdə tutulmuş elektrik avadanlıqlarından ibarət növbəti yük Sumqayıt Texnologiyalar Parkının ərazisindən yola salınıb. Yardımın göndərilməsi Azərbaycan Respublikasının Prezidenti cənab İlham Əliyevin 2026-cı il 16 yanvar tarixli Sərəncamına əsasən, Energetika Nazirliyi tərəfindən təmin edilib.