Yunanıstanın Evia adasında iri meşə yanğını baş verib. Hadisə ilə əlaqədar iki yaşayış məntəqəsinin təxliyəsinə qərar verilib. Yanğının söndürülməsinə 88 yanğınsöndürən və könüllü cəlb olunub. Əməliyyatlarda səkkiz təyyarə və altı helikopter iştirak edir. Alovun yaşayış məntəqələrinə yaxınlaşdığı bildirilir. Rəsmilər təhlükəsizlik tədbirlərini gücləndiriblər. Yanğının yayılmasının qarşısını almaq üçün havadan və qurudan müdaxilə davam edir. Hadisənin səbəbləri araşdırılır.

İranın "Təsnim" xəbər agentliyinin verdiyi məlumata görə, sabah — çərşənbə günündən etibarən ölkədə daxili aviareyslərin fəaliyyəti yenidən bərpa ediləcək. İran Hava Yollarından (Iran Air) verilən rəsmi açıqlamada bildirilib ki, tam 50 günlük fasilədən sonra ilk daxili uçuş sabah çərşənbə günü Tehran-Məşhəd marşrutu üzrə həyata keçiriləcək

Türkiyənin nəqliyyat və infrastruktur naziri Abdulkadir Uraloğlu Livan hərbi heyətini daşıyarkən Ankara yaxınlığında qəzaya uğrayan təyyarənin istintaqı ilə bağlı mühüm faktları açıqlayıb. Nazir qeyd edib ki, təyyarənin səs yazan cihazındakı (CVR) bütün məlumatlar uğurla oxunub və pilotların qəzadan əvvəlki son danışıqları tam şifrələnib. Araşdırmalar nəticəsində məlum olub ki, təyyarə hələ qəza çağırışı etməzdən əvvəl qüllə ilə mütəmadi əlaqədə olub və elektrik sistemində ciddi nasazlıqlar yaşandığını bildirib.

İndoneziyanın Cənubi Sulavesi əyalətində 7 heyət üzvü və 3 sərnişin olmaqla cəmi 10 nəfəri daşıyan təyyarə ilə əlaqə kəsilib. "Indonesia Air Transport" şirkəti tərəfindən idarə olunan "ATR 42-500" tipli təyyarənin siqnalı Cənubi Sulavesinin Maros bölgəsində radarlardan itib. Hava nəqliyyatı rəsmiləri təyyarə ilə əlaqənin kəsilməsinə əlverişsiz hava şəraitinin səbəb ola biləcəyini ehtimal edirlər. Mülki Aviasiya Baş Direktorluğu tərəfindən verilən rəsmi açıqlamada təyyarənin tapılması üçün genişmiqyaslı axtarış-xilas etmə əməliyyatlarına başlanıldığı bildirilib. Hazırda müvafiq qurumlar və yerli hakimiyyət orqanları ilə sıx əlaqə saxlanılaraq hadisənin təfərrüatları araşdırılır.

Milli Müdafiə Nazirliyi açıqlayıb ki, C-130 tipli hərbi yük təyyarəsinin Gürcüstan–Azərbaycan sərhədində düşməsindən sonra inventarda olan digər C-130 təyyarələrinin uçuşları tədbir məqsədilə dayandırılıb. Azərbaycanın Qarabağ zəfərinin 5-ci ildönümü münasibətilə orada olan birliyi daşıyan C-130 tipli hərbi yük təyyarəsi Türkiyəyə qayıtmaq üçün havalandıqdan qısa müddət sonra Gürcüstan–Azərbaycan sərhədinə yaxın Signagi bölgəsində düşüb və nəticədə 20 türk əsgəri şəhid olub.

Türkiyə Milli Müdafiə Nazirliyi Azərbaycan–Gürcüstan sərhədində baş verən hərbi təyyarə qəzası ilə bağlı açıqlama yayıb. Qeyd olunub ki, C-130 tipli hərbi yük təyyarəsinin qəzaya uğraması nəticəsində 20 türk hərbçisi şəhid olub. Nazirliyin məlumatına görə, təyyarə dünən Azərbaycandan Türkiyəyə uçuşa başladıqdan qısa müddət sonra Gürcüstan–Azərbaycan sərhədi yaxınlığında qəzaya uğrayıb.

Türkiyə Milli Müdafiə Nazirliyi məlumat verib ki, Azərbaycandan Türkiyəyə gəlmək üçün havalanan C130 yük təyyarəsi Gürcüstanda qəzaya uğrayıb. Nazirliyin sosial media hesabında yayılan açıqlamada qeyd olunub ki, "Azərbaycan-dan ölkəmizə gəlmək üzrə havalanan C130 yük təyyarəmiz Gürcüstanda düşüb. Axtarış-xilasetmə işlərinə Gürcüstan rəsmiləri ilə koordinasiyalı şəkildə başlanıb. Bu barədə ictimaiyyətə hörmətlə məlumat verilir."

İspaniya hökuməti, Türkiyənin ilk milli reaktiv təlim və yüngül hücum təyyarəsi HÜRJET-in alınmasına rəsmi olaraq razılıq verib. Qərar, İspaniya Nazirlər Şurasının 28 oktyabr tarixli iclasında təsdiqlənib. "Nazirlər Şurası, mövcud AE.09 (F-5) təyyarələrinin yerinə döyüş və hücum təyyarələri üçün Enteqrə Təlim Sistemi (ITS-C) alınmasını, dəyəri təxminən 3 milyard 120 milyon avro olan müqavilə çərçivəsində təsdiqləyib." - deyə bəyanatda qeyd edilib.

Hazırda Azal təyyarəsinin qəzaya uğraması ilə bağlı başlanılan istintaq davam edir. Bu fikirləri Baş Prokuror Kamran Əliyev mətbuata açıqlamasında deyib.O, qeyd edib ki, istintaq həm Azərbaycan, həm Rusiya, həm də Qazaxıstanla əməəkdaşlıq edirik. Ümid edirik ki, bu işin də istintaqı məntiqi nəticəsini tapacaq.

Argentinanın Kordova əyalətində keçirilən aviasiya festivalı zamanı kiçik təyyarənin qəzaya uğraması nəticəsində iki pilot həlak olub. AzerVoice xəbər verir ki, bu barədə TN telekanalı məlumat yayıb. Məlumata görə, iki nəfərlik eksperimental akrobatik təyyarə havaya qalxarkən idarəetməni itirib və yerə çırpılıb. Zərbə nəticəsində təyyarə alovlanıb. Qəzaya uğrayan hava vasitəsinin festivalın rəsmi proqramına daxil olmadığı bildirilib.

Bu həftə Baltik ölkələrində yerləşdirilən NATO təyyarələri Estoniyanın hava məkanında təlimlər keçirəcək. Uçuşlar 8-14 sentyabr tarixlərində, yerli vaxtla saat 10:00-dan 22:00-dək planlaşdırılıb. Aşağı sürətli uçuşlar minimum 152 metr (500 fut) hündürlükdən aşağı olmayacaq. Pilotlar həmçinin müəyyən olunmuş zonalarda, hava hərəkətinin idarə olunması üzrə mülki xidmətlə razılaşdırılmaqla səsdən sürətli uçuşlar da həyata keçirə biləcəklər. Sentyabrın 8-i və 9-da saat 19:00-dan 22:00-dək Rakvere və Kadrina bölgələrində İtaliya Hərbi Hava Qüvvələrinə məxsus F-35 qırıcılarının iştirakı ilə hava hərəkəti dispetçerlərinin təlimləri keçiriləcək. Bu təlimlərin məqsədi dispetçerlərin mülki şəraitdə hava gəmiləri ilə qarşılıqlı fəaliyyət bacarıqlarını sınaqdan keçirməkdir.

Türk Hava Yollarının (THY) təyyarələri son 12 ayda 36 ölkədə 61 hava limanında aparılan 89 təhlükəsizlik yoxlamasından uğurla çıxıb. THY-nin baş direktoru Bilal Ekşi sosial media hesabında bildirib ki, SAFA proqramı çərçivəsində yoxlamalar zamanı 0,378 nisbətində “yoxluq göstəricisi” qeydə alınıb və bu, yüksək nəticə sayılır. Onun sözlərinə görə, sərnişinlərin rahat və təhlükəsiz uçuşu üçün bütün qaydalara ciddi şəkildə əməl olunur. Qeyd edək ki, SAFA (“Xarici təyyarələrin təhlükəsizliyinin qiymətləndirilməsi”) Avropa Birliyi ölkələrində tətbiq olunan proqramdır və beynəlxalq uçuş təhlükəsizliyi tələblərinə uyğunluğu yoxlamaq məqsədi daşıyır. Yoxlamalar təyyarələrin texniki vəziyyəti, kokpit və kabinə standartları, həmçinin sərnişinlərin təhlükəsizliyinin təmin olunması ilə bağlı tələbləri əhatə edir.