Çində mətbuata və yayım sahəsinə nəzarət etmiş keçmiş yüksək vəzifəli Tsay Fuçao barəsində araşdırma başlanıb. O, intizam qaydalarını və qanunları ciddi şəkildə pozmaqda şübhəli bilinir. Tsay Fuçao uzun illər Çində nəşriyyat, televiziya, radio, kino və internet məzmununa nəzarət edən dövlət qurumuna rəhbərlik edib. O, Kommunist Partiyasının siyasi xəttinə uyğun senzura siyasətinin həyata keçirilməsinə cavabdeh olub. Keçmiş məmur həmçinin dövlət televiziya və radio qurumlarına rəhbərlik edib. Tsay Fuçao 2018-ci ildə bütün rəsmi vəzifələrindən ayrılıb. Onun barəsində başlanan araşdırmanın təfərrüatları hələlik açıqlanmayıb. Araşdırma Çində uzun illərdir davam edən korrupsiyaya qarşı mübarizə çərçivəsində aparılır.

BMT Venesuela hakimiyyətini media və informasiya resurslarına çıxışla bağlı məhdudiyyətləri dərhal aradan qaldırmağa çağırıb. Təşkilat bildirib ki, məlumat əldə etmək hüququ yaxın günlərdə həyat və ölüm məsələsinə çevrilə bilər. Açıqlamada sosial şəbəkələr və media blokadasının dərhal götürülməsi tələb olunub. BMT insan hüquqlarının qorunmasının bütün proseslərdə əsas olmasını vurğulayıb.