Azərbaycan Respublikasının Türkmənistandakı fövqəladə və səlahiyyətli səfiri Qismət Gözəlov Aşqabad şəhərində yaşayan yüz yaşlı, azərbaycan əsilli Tahirə Həsən qızı Əliyevanı evində ziyarət edib, faşizm üzərində qələbə münasibətilə təbrik edərək ona gül dəstəsi və hədiyyə təqdim edib.

Türkmənistan Nazirlər Kabinetinin sədr müavini Batır Annayev Azərbaycan Respublikasının Türkmənistandakı fövqəladə və səlahiyyətli səfiri Qismət Gözəlovu qəbul edib. Bu barədə Azərbaycanın Türkmənistandakı Səfirliyindən məlumat verilib. Tərəflər Azərbaycan və Türkmənistan arasında yüksək səviyyəli siyasi dialoqun və qarşılıqlı səfərlərin ikitərəfli münasibətlərin inkişafına verdiyi töhfəni qeyd edərək, iki ölkə rəhbərlərinin siyasi iradəsi nəticəsində əməkdaşlığın strateji səviyyəyə yüksəldiyini vurğulayıblar.

2026-cı ilin mart ayında Türkmənistan vətəndaşları Türkiyədə 30 daşınmaz əmlak satın alıblar ki, bu da 2025-ci ilin eyni dövrü ilə müqayisədə 6 obyekt çoxdur. Qeyd edək ki, 2026-cı ilin mart ayında Türkiyədə 113 min 367 mənzil satın alınıb ki, bu da 2025-ci ilin mart ayı ilə müqayisədə 2,1 faiz azdır.

Ceyhun Bayramov və Türkmənistan Nazirlər Kabineti sədrinin birinci müavini və xarici işlər naziri Rəşid Meredov arasında görüş keçirilib.

Türk dövlətləri arasında turizm sahəsində inteqrasiyanın gücləndirilməsi istiqamətində yeni təşəbbüslər irəli sürülüb. Məlumata əsasən, bu çərçivədə “ortaq muzey kartı”nın tətbiqi və üzv ölkələr arasında pasaportsuz gediş-gəlişi təmin edəcək mexanizmlər üzərində işlərin davam etdiyi bildirilib .

Türkiyənin turizm potensialının tanıdılması məqsədilə Aşqabadda xüsusi tədbir təşkil olunub. Məlumata əsasən, hər il 15–22 aprel tarixlərini əhatə edən bu həftə turizm sahəsinin iqtisadi, sosial və mədəni əhəmiyyətini artırmaq məqsədi daşıyır. Tədbir Türkiyənin səfirliyi, Mədəniyyət və Turizm Nazirliyi, eləcə də Turizmin Təşviqi və Tanıdılması Agentliyi tərəfindən təşkil olunub.

Elm və təhsil nazirinin müavini Firudin Qurbanov Türkmənistana səfəri çərçivəsində bu ölkənin təhsil nazirinin müavinləri ilə görüşüb. Nazir müavini iki ölkə arasında təhsil sahəsində əməkdaşlığın daha da inkişaf etdirilməsinin əhəmiyyətini vurğulayıb, görüş zamanı müasir texnologiyaların, eləcə də süni intellektin təhsildə tətbiqinin gücləndirilməsinə dair müzakirələrə xüsusi önəm verib.

Səfər çərçivəsində nazir müavini Türkmənistanın təhsil naziri Cumamırat Qurbangeldiyevin dəvəti əsasında Məhtimqulu adına Türkmən Dövlət Universitetində məktəblilər üçün təşkil edilmiş 3-cü Beynəlxalq Riyaziyyat Olimpiadasının açılış mərasimində iştirak edib. Olimpiada çərçivəsində Firudin Qurbanov şagirdlərin nümayiş etdirdiyi lövhələrə və guşələrə baxış keçirib.

Gürcüstan Türkmənistandan neft idxalını genişləndirmək və emal imkanlarını artırmaq istiqamətində yeni mərhələyə qədəm qoyur. Şirkətin rəhbərliyi yaxın aylarda Türkmən neftinin tədarükü ilə bağlı razılaşmaların əldə olunduğunu açıqlayıb. Azərbaycan ərazisi üzərindən keçən logistika marşrutlarının koordinasiyası artıq yekun mərhələdədir və yaxın vaxtlarda müntəzəm daşımaların başlanacağı gözlənilir.

2026-cı ilin yanvar – fevral aylarında Türkiyədən Türkmənistana dəri məhsulları ixracı 2025-ci ilin eyni dövrü ilə müqayisədə 28,4 faiz artaraq, 638 min 67 dollara bərabər olub. Türkiyə 2026-cı ilin fevral ayında Türkmənistana dəri məhsulları ixracını 2025-ci ilin eyni dövrü ilə müqayisədə 1,3 dəfə artaraq, 467 min 33 dollara çatdırıb. Qeyd edək ki, 2026-cı ilin fevral ayında Türkiyənin dəri məhsulları ixracı ötən ilin eyni dövrü ilə müqayisədə 3,5 faiz azalaraq, 127 milyon 689 min dollara bərabər olub.

2026-cı ilin yanvar – fevral aylarında Türkiyədən Türkmənistana polad ixracı 2025-ci ilin eyni dövrü ilə müqayisədə 8,3 faiz azalaraq, 20 milyon 636 min 90 dollara bərabər olub. Türkiyə 2026-cı ilin fevral ayında Türkmənistana polad ixracını 2025-ci ilin eyni dövrü ilə müqayisədə 6,3 faiz azalaraq, 9 milyon 795 min 5 dollara çatdırıb. Qeyd edək ki, 2026-cı ilin fevral ayında Türkiyənin polad ixracı ötən ilin eyni dövrü ilə müqayisədə 3,3 faiz azalaraq, 1 milyard 192 milyon 569 min dollara bərabər olub.

2026-cı ilin yanvar – fevral aylarında Türkiyədən Türkmənistana xalça ixracı 2025-ci ilin eyni dövrü ilə müqayisədə 10,8 faiz azalaraq, 790 min 15 dollara bərabər olub. Türkiyə 2026-cı ilin fevral ayında Türkmənistana xalça ixracını 2025-ci ilin eyni dövrü ilə müqayisədə 56,9 faiz artaraq, 453 min 45 dollara çatdırıb. Qeyd edək ki, 2026-cı ilin fevral ayında Türkiyənin xalça ixracı ötən ilin eyni dövrü ilə müqayisədə 2,7 faiz azalaraq, 221 milyon 436 min dollara bərabər olub.