Knesset Araşdırma və İnformasiya Mərkəzinin hazırladığı hesabata əsasən, son illərdə ölkəyə qayıdan israillilərin sayında kəskin azalma müşahidə olunur. Eyni zamanda, ölkəni birdəfəlik tərk edənlərin sayının artması nəticəsində 2022–2024-cü illər aralığında İsrailin miqrasiya balansı mənfiyə doğru dəyişib.

İsrail Knessetinin (parlamentinin) Araşdırma və Məlumat Mərkəzi son 18 ay ərzində orduda 279 intihar cəhdinin qeydə alındığını, onlardan 36 hərbçinin həyatını itirdiyini açıqlayıb. Məlumata görə, İsrailin 2023-cü ilin oktyabr ayında Qəzzaya qarşı hərbi əməliyyatlara başlamasından sonra ordu daxilində intihar hallarında ciddi artım müşahidə olunub. Mütəxəssislər bu vəziyyətin psixoloji təzyiq, travma və artan hərbi çağırışlarla əlaqəli olduğunu bildirir.

İsraili tərk edən və geri dönməyi planlaşdırmayan vətəndaşların sayı ölkəyə qayıdan israillilərin sayını üstələyib. Bu barədə İsrail parlamentinin (Knesset) Araşdırma və İnformasiya Mərkəzinin xüsusi hesabatında bildirilib.Hesabata əsasən, ölkədən çıxan israillilərin sayı 2020-ci ildən bəri ardıcıl şəkildə artır. 2020-ci ildə 34 min, 2021-ci ildə 43,4 min, 2022-ci ildə 59,4 min, 2023-cü ildə isə 82,8 min nəfər İsraildən uzunmüddətli olaraq köçüb. Bu, əvvəlki illərlə müqayisədə 39–44 faiz artım deməkdir.