İsrailin İrana qarşı cavab tədbirlərini əsas gətirərək təxminən 20 gün bağlı saxladığı, lakin bir neçə gün əvvəl piyadaların keçidi üçün məhdud şəkildə açdığı Rəfah Sərhəd Keçid Məntəqəsindən 28 fələstinli Qəzza zolağına qayıdıb. Xəstəxana mənbələrindən alınan məlumata görə, aralarında qadın və uşaqların da olduğu Misirdən gələn 28 nəfər Xan Yunisdəki Nasir Xəstəxanasına çatıb. Uzun fasilədən sonra ailələri və yaxınları ilə bir araya gələn fələstinlilər duyğulu anlar yaşayıblar.

İsrail qüvvələri fələstinli müsəlmanların Fitr bayramı namazını qılmalarına icazə verməyib. Paytaxt Qüdsün strateji nöqtələrində dinc sakinlərə qarşı güc tətbiq edildiyi bildirilir. Qüds bələdiyyəsinin rəsmi bəyanatında qeyd olunur ki, İsrail qüvvələri namaz qılmaq istəyən insanları Dəməşq qapısı (Bab əl-Amud) bölgəsindən zorla uzaqlaşdırıblar. Məlumata görə, bayram namazını Əl-Əqsa məscidi yaxınlığında qılmağa çalışan fələstinlilərə qarşı Sahirə qapısı (Bab əs-Sahirə) istiqamətində gözyaşardıcı qaz bombalarından istifadə edilib.

Misir dövlət mediası və Qırmızı Aypara rəsmisinin verdiyi məlumata görə, Qəzzanın Misirlə sərhədindəki keçid məntəqəsi cümə axşamı günü məhdud sayda insan üçün yenidən açılıb. Bu, İsrail və ABŞ-ın İrana zərbələr endirməsindən bəri ilk belə haldır. AFP-yə anonim açıqlama verən Misir Qırmızı Aypara rəsmisi Rəfah keçid məntəqəsinin hər iki istiqamətdə fəaliyyətini bərpa etdiyini bildirib. Bu, fələstinli xəstələrin Misirə keçməsinə, Misirdə qalan fələstinlilərin isə Qəzzaya qayıtmasına imkan verəcək. Misir kəşfiyyatına yaxınlığı ilə bilinən "Al-Qahera News" telekanalı Misir tərəfində tibbi müalicə alan fələstinlilərin Qəzzaya qayıtmaq üçün hazırlaşdıqlarını göstərən görüntülər yayımlayıb.

İndoneziya Prezidentinin sözçüsü Prasetyo Hadi Yaxın Şərqdə artan hərbi gərginlik fonunda Qəzzaya əsgər yerləşdirmə planının dondurulduğunu açıqlayıb. "Antara" agentliyinin məlumatına görə, paytaxt Cakartada jurnalistlərə açıqlama verən Hadi hazırda hər şeyin gözləmə mövqeyində olduğunu və qərarın təxirə salınmasına əsas səbəb kimi bölgədəki hərbi eskalasiyanı göstərib.

İsrail ordusunun 2023-cü ilin oktyabr ayından bəri Qəzza zolağına təşkil etdiyi hücumlarda həyatını itirənlərin sayı 72 min 249 nəfərə çatıb. Atəşkəs elan edilməsinə baxmayaraq, İsrail ordusu Qəzzaya qarşı hücumlarını davam etdirir. Qəzzadakı Səhiyyə Nazirliyindən verilən yazılı açıqlamada 2023-cü ilin oktyabrından bəri davam edən hücumlardakı itkilərlə bağlı son məlumatlar paylaşılıb. Son 24 saat ərzində Qəzzadakı xəstəxanalara 2 cənazə və 20 yaralının gətirildiyi qeyd edilib. Atəşkəsin qüvvəyə mindiyi 10 oktyabr 2025-ci il tarixindən bu yana İsrailin hücumları nəticəsində 673 nəfərin öldürüldüyü, 1799 nəfərin yaralandığı, dağıntılar altından isə 756 cənazənin çıxarıldığı ifadə edilib. Ümumilikdə isə yaralı sayının 171 min 898-ə yüksəldiyi bildirilib. Dağıntılar altında hələ də minlərlə cənazənin qaldığı ehtimal edilir.

Diqqət ABŞ və İsrailin İrana qarşı apardığı müharibəyə yönəldiyi bir vaxtda, Qəzza zolağı getdikcə daha mürəkkəb şərtlərlə üz-üzə qalır. Ötən ilin oktyabrında əldə edilmiş atəşkəs şərtlərinin icrasına yönəlmiş siyasi səylər dondurulub, bu isə bölgədəki humanitar böhranı daha da dərinləşdirir. HƏMAS və digər Fələstin qruplaşmaları "Tramp planı"nın ikinci mərhələsinə keçməyə ümid etsələr də, İranla müharibənin nəticələri bu yolu qeyri-müəyyənliyə itələyib. Atəşkəs sazişindən bəri İsrail bir neçə mühüm addımı gecikdirir. Rəsmi Təl-Əviv Qəzzanın idarə edilməsi üçün yaradılan "Milli Komitə"nin anklava daxil olmasına mane olur və qruplaşmaların tərksilah edilməsi üçün təzyiqləri artırır. Eyni zamanda, Vaşinqtonun xahişi ilə açılmış keçid məntəqələri yenidən bağlanıb.

İsrail ordusunun 2023-cü ilin oktyabr ayından bəri Qəzza zolağına təşkil etdiyi hücumlarda həyatını itirənlərin sayı dəhşətli həddə — 72 min 73 nəfərə çatıb. Qəzzadakı Səhiyyə Nazirliyindən verilən yazılı açıqlamada bildirilir ki, beynəlxalq ictimaiyyətin bütün çağırışlarına və 2025-ci ilin oktyabrında əldə olunan atəşkəs razılaşmasına baxmayaraq, bölgədə qan tökülməsi hələ də davam edir. Xüsusilə son 24 saat ərzində Qəzzadakı tibb müəssisələrinə daha 1 ölü və 8 yaralının gətirilməsi bölgədəki gərginliyin hələ də kritik həddə olduğunu göstərir.

İslam Əməkdaşlıq Təşkilatı (İƏT) bu cümə axşamı xarici işlər nazirləri səviyyəsində fövqəladə iclas keçirəcək. Ciddə şəhərindəki baş qərargahda baş tutacaq toplantının əsas məqsədi İsrailin işğal altındakı İordan çayının qərb sahilində həyata keçirdiyi son tədbirlərə, o cümlədən yaşayış məskənlərinin genişləndirilməsi və aneksiya cəhdlərinə qarşı vahid mövqe nümayiş etdirməkdir.

Avropa İttifaqının ali nümayəndəsi Kaya Kallas, Aİ Xarici İşlər Nazirləri Toplantısı öncəsi verdiyi bəqlanatlarda Qəzza zolağında sülh prosesinin mühüm tərəfdaşı olmaq istədiklərini bəyan edib. Kallas vurğulayıb ki, Fələstin polisinin təlim keçməsi və bölgədə asayişin təmin olunması üçün İsrail tərəfinin rəsmi icazəsi lazımdır. O, həmçinin İordaniya və Misirlə bu mövzuda razılıqların əldə olunduğunu diqqətə çatdırıb.

İsrail ordusunun 2023-cü ilin oktyabr ayından bəri Qəzza zolağına təşkil etdiyi hücumlarda həyatını itirənlərin sayı 72 min 70-ə çatıb. İsrail ordusu, atəşkəsə baxmayaraq Qəzza zolağına hücumlarını davam etdirir. Qəzzadakı Səhiyyə Nazirliyindən edilən yazılı açıqlamada, İsrailin 2023-cü ilin oktyabrından bəri davam edən hücumlarında yaşanan can itkiləri ilə bağlı son məlumatlar paylaşılıb. Qeyd olunub ki, son 48 saat ərzində Qəzzadakı xəstəxanalara bir nəfərin cənazəsi və 10 yaralı gətirilib.

Argentina Prezidenti Xavyer Milei ABŞ Prezidenti Donald Trampın təşəbbüsü ilə Qəzza üçün yaradılan “Sülh Şurası”na dəstəyi yenidən bəyan edərək, Qəzzaya sülhməramlı qüvvə göndərməyə hazır olduqlarını açıqlayıb. Milei Vaşinqtonda keçirilən Qəzza üzrə “Sülh Şurası” toplantısında çıxışı zamanı davamlı sülhün yalnız əsas insan hüquqlarına söykənən nizamla təmin oluna biləcəyini bildirib və Şuranın bu məqsədə yönəlik çərçivə təqdim etdiyini qeyd edib. O, Argentinanın sülh əməliyyatları üzrə təcrübəsinin güclü istinad olduğunu vurğulayaraq, bu potensialın mümkün sabitləşdirmə qüvvəsinin xidmətinə verilə biləcəyini deyib. Milei, həmçinin Argentina Xarici İşlər Nazirliyi xətti ilə beynəlxalq humanitar yardım göstərən “Ağ dəbilqəlilər” qruplarının Qəzzadakı fəaliyyətlərə dəstəyə hazır olduğunu açıqlayıb.

BMT cümə aqşamı günü yaydığı bəyanatda İsrailin intensiv hücumları və fələstinli mülki şəxslərin məcburi köçürülməsi nəticəsində Qəzza zolağı və İordan çayının qərb sahilində (Qərbi Şəria) "etnik təmizləmə" baş verməsi ehtimalından ciddi narahatlığını ifadə edib. Bu haqda BMT-nin İnsan Hüquqları üzrə Ali Komissarlığının hesabatında deyilir. "İntensiv hücumlar, bütün məhəllələrin sistematik şəkildə dağıdılması və humanitar yardımın qarşısının alınması Qəzzada qalıcı demoqrafik dəyişiklik yaratmaq məqsədi daşıyır." Hesabatda həmçinin vurğulanır ki,bu hərəkətlər fələstinlilərin daimi olaraq didərgin salınması məqsədi güdür və bu, həm Qəzzada, həm də İordan çayının qərb sahilində etnik təmizləmə ilə bağlı ciddi suallar doğurur.-deyə hesabatda qeyd olunub.