Rusiya Böyük Britaniya istehsalı olan PUA-ların Rusiya ərazisindəki hədəflərə zərbələr endirmək üçün istifadə edildiyinin təsdiqlənməsindən sonra Londonu "Ukrayna böhranını qəsdən gərginləşdirməkdə" ittiham edib. Buna cavab olaraq Böyük Britaniya Müdafiə Nazirliyinin (MoD) nümayəndəsi BBC-yə açıqlamasında Londonun Ukrayna ilə çiyin-çiyinə durduğunu bəyan edib. Böyük Britaniya rəsmisi vurğulayıb ki, hökumət Ukraynanın [Rusiya Prezidenti Vladimir] Putinin qanunsuz işğalından müdafiə olunması üçün lazımi avadanlıq təmin etmək öhdəliyinə sadiqdir.

Ukrayna Avropa İttifaqını Rusiyanın dövlət nüvə enerjisi şirkəti “Rosatom”a qarşı sanksiyalar tətbiq etməyə çağırıb. Çağırış şirkətin əsas layihələrindən birində təhlükəsizlik və mühəndislik sahəsində pozuntular barədə iddialardan sonra səslənib. Ukraynanın xarici işlər naziri Andrey Sibiqa “Rosatom”u Rusiyanın nüvə enerjisi sahəsində qlobal üstünlük əldə etmək siyasətinin vasitəsi adlandırıb. O, araşdırmada üzə çıxan məlumatların şirkətin etibarlı tərəfdaş olmadığını göstərdiyini bildirib. Sıbihə Avropa İttifaqı ölkələrini sanksiyalarla bağlı müzakirələri yenidən başlatmağa çağırıb. Ukrayna rəsmisi müharibə cinayətləri ilə əlaqəli olduğu iddia edilən şirkətlə nüvə enerjisi sahəsində əməkdaşlığın yolverilməz olduğunu deyib. Kiyev “Rosatom”un beynəlxalq nüvə enerjisi bazarındakı fəaliyyətinə qarşı təzyiqin artırılmasını istəyir. Məsələ Avropa İttifaqının Rusiyaya qarşı gələcək sanksiya siyasəti baxımından da əhəmiyyət daşıyır.

Rusiyadan Ermənistana Azərbaycandan tranzit keçməklə növbəti tədarük həyata keçirilib. indiyədək Rusiyadan Ermənistana Azərbaycandan tranzit keçməklə 42 min tondan çox taxıl, 9 min tona yaxın gübrə, 1 136 ton propan, 133 ton alüminium, 1 114 ton kömür və 67 min ton taxta göndərilib. Eyni zamanda, indiyədək Azərbaycandan Ermənistana 15 min tona yaxın dizel, 5 min tona yaxın Aİ-92 və Aİ-95 benzini ixrac olunub.

Rusiyanın BMT-dəki daimi nümayəndəsi Mixail Ulyanov ABŞ-ın Hörmüz boğazında gəmiçilik azadlığı ilə bağlı çağırışlarını tənqid edib. O, Vaşinqtonun boğazda sərbəst gəmiçilik tələb etməsini ziddiyyətli yanaşma kimi qiymətləndirib. Ulyanovun fikrincə, Hörmüzdə gəmiçilik azadlığının pozulmasına ABŞ-ın İrana qarşı hərbi əməliyyatları səbəb olub. Rusiya nümayəndəsi ABŞ-ın yaranmış vəziyyətin nəticələrini müharibəni davam etdirməklə aradan qaldırmağa çalışdığını bildirib. O, Vaşinqtonun siyasətini strateji səhvin davamı kimi qiymətləndirib. Hörmüz boğazında gərginliyin artması beynəlxalq gəmiçilik və enerji təchizatı ilə bağlı narahatlıqları gücləndirib. Rusiya ABŞ-ın İran siyasətini və Hörmüz məsələsinə yanaşmasını tənqid edən mövqeyini davam etdirir.

Avropa İttifaqı ölkələri və Böyük Britaniya enerji ehtiyatlarının azalması və qarşıdan gələn qış fonunda Rusiya ilə münasibətləri yaxşılaşdırmaqda maraqlı ola bilər. Dmitriyev sosial şəbəkədəki paylaşımında qeyd edib ki, enerji ehtiyatlarının azalması və qışın yaxınlaşması şəraitində Rusiya ilə dialoqun bərpası Avropa İttifaqı və Böyük Britaniya üçün əsas məsələlərdən birinə çevrilir.

Rusiya Müdafiə Nazirliyi Ukraynanın Odessa vilayətində yerləşən İzmail və Reni limanlarına gecə saatlarında zərbələr endirildiyini açıqlayıb. Bildirilib ki, Reni limanında Ukrayna Hərbi Dəniz Qüvvələrinin idarəetmə mərkəzi, İzmail limanında isə Ukrayna hərbçilərinin müvəqqəti yerləşdiyi ərazi hədəfə alınıb.

İssık-Kul gölünün sahilində yerləşən Balıkçı şəhərində Qırğızıstan və Rusiyanın birgə taktiki təlimi start götürüb. Açılışda təlim rəhbəri Rusiya Silahlı Qüvvələrinin hərbi kontingentinin başçısı - polkovnik Kojoşev, 201 saylı hərbi bazanın qvardiya komandir müavini Lakeyev və şəhər meriyasının aparat rəhbəri Kukeyeva iştirak ediblər.

Serbiya Prezidenti Aleksandar Vuçiç və Ukrayna Prezidenti Volodimir Zelenski Belqradda görüşüblər. Vuçiç Serbiyanın Ukraynanın müstəqilliyini və ərazi bütövlüyünü dəstəkləməyə davam edəcəyini bildirib. Bununla belə, Belqrad Rusiyaya qarşı sanksiyalara qoşulmaq niyyətini açıqlamayıb. Ukrayna isə Kosovonun müstəqilliyini tanımamaq mövqeyini qoruyur. Serbiya Ukraynanın Avropa İttifaqına üzvlük istəyini dəstəkləyəcəyini bildirib. Tərəflər iqtisadi əməkdaşlığı genişləndirmək və azad ticarət sazişi üzrə danışıqları ilin sonunadək başa çatdırmaq istəyirlər. Görüşdə birgə infrastruktur layihələri, enerji və ərzaq təhlükəsizliyi məsələləri də müzakirə olunub. Vuçiç tərəflərin hərbi əməkdaşlıq məsələsini müzakirə etmədiyini bildirib.

Rusiya Prezidenti Vladimir Putin BƏƏ Prezidenti Şeyx Məhəmməd bin Zayed Al Nəhyan ilə telefon danışığında Körfəz regionundakı və Ukraynadakı vəziyyəti müzakirə edib. Kremlin məlumatına görə, Putin BƏƏ-yə Rusiya və Ukrayna arasında hərbi əsirlərin və saxlanılan şəxslərin mübadiləsinin təşkilində göstərdiyi vasitəçiliyə görə təşəkkür edib. Tərəflər regional və beynəlxalq məsələlər ətrafında da fikir mübadiləsi aparıblar.

Ukrayna Prezidenti Volodimir Zelenski Azərbaycanın xarici işlər naziri Ceyhun Bayramovu qəbul edib. Görüşdə Rusiyanın Ukraynaya hücumları, Qara dənizdəki vəziyyət və taxıl dəhlizlərinin bloklanması müzakirə olunub. Tərəflər diplomatik münasibətlər, müdafiə, energetika, neft-qaz və kənd təsərrüfatı sahələrində əməkdaşlığın inkişaf perspektivlərini də nəzərdən keçiriblər. Zelenski Azərbaycanın Ukraynaya göstərdiyi humanitar və enerji dəstəyinə görə təşəkkür edib.

Qətərin Baş naziri və xarici işlər naziri Şeyx Məhəmməd bin Əbdürrəhman bin Casim Al Tani rusiyalı həmkarı Sergey Lavrovla telefon danışığı aparıb. Tərəflər ikitərəfli əməkdaşlığı, Yaxın Şərqdəki son hadisələri və gərginliyin azaldılması istiqamətində diplomatik səyləri müzakirə ediblər. Qətər tərəfi bütün iştirakçıları dialoq və diplomatiyaya sadiq qalmağa çağırıb. Doha həmçinin ABŞ–İran Anlaşma Memorandumunun, o cümlədən Hörmüz boğazında sərbəst gəmiçiliyə dair müddəalarının icrasını dəstəklədiyini bildirib. Qətər regionda davamlı sülhə yönəlmiş bütün təşəbbüslərə dəstəyini bir daha ifadə edib.

"Biz anlayırıq ki, hər iki tərəfin kifayət qədər aydın "qırmızı xətləri" var. Bu xətləri müəyyən qədər yaxınlaşdıra bilməsək, istədiyimiz nəticəyə nail ola bilməyəcəyik. Lakin biz bunun üçün işləməyə hazırıq" - deyə Rubio bildirib. ABŞ Prezidenti Donald Tramp isə iyulun sonunda Rusiya lideri Vladimir Putinlə yaxşı münasibətlərə malik olduğunu bildirib və Ukrayna Prezidenti Volodimir Zelenskini danışıqlara getməyə çağırıb