Cənubi Afrika Daxili İşlər Nazirliyi Malavi, Nigeriya və Efiopiyadan miqrantların ölkədən çıxarılması üçün çəkilən xərclərin bir hissəsinin ödənilməsini tələb edib. Nazirliyin məlumatına görə, bu il deportasiya və geri qaytarma əməliyyatlarına 292 milyon rand (təxminən 18 milyon dollar) xərclənib. Xərclərin əsas hissəsi miqrantların daşınması, müvəqqəti mərkəzlərin yaradılması və əməkdaşların əlavə iş saatlarına yönəlib.

Nigeriya kriptovalyuta əməliyyatlarına yeni vergilər tətbiq edib. Yeni qaydalar kriptovalyutalar, stabilkoinlər, NFT-lər və digər rəqəmsal aktivləri əhatə edir. Sənaye nümayəndələri hesab edirlər ki, bu dəyişikliklər istifadəçilərin tənzimlənən platformalardan uzaqlaşmasına və bazarın inkişafına mənfi təsir göstərə bilər. Hökumət isə qərarın məqsədinin dövlət gəlirlərini artırmaq və rəqəmsal iqtisadiyyatı vergi sisteminə inteqrasiya etmək olduğunu bildirir.

Bu gün baş vermiş əsas hadisələrin xronoloji xülasəsini təqdim edirik

ABŞ Maliyyə Nazirliyi İranın silah əldə etməsinə yardım göstərdiyi iddia olunan beynəlxalq şəbəkəyə qarşı yeni sanksiyalar tətbiq edib. Məhdudiyyətlər İran və Rusiya vətəndaşlarını, həmçinin İran, Rusiya və Nigeriyada yerləşən şirkət və qurumları əhatə edir. Vaşinqton həmin şəxslərin və qurumların İran İnqilab Keşikçiləri Korpusunun tədarük fəaliyyətindəki rolunu gizlətməyə çalışdığını bildirir. ABŞ tərəfinin iddiasına görə, bu məqsədlə hava nəqliyyatı, yükdaşıma, maliyyə və səfər təşkilatçılığı sahələrində fəaliyyət göstərən vasitəçilərdən istifadə olunub. Şəbəkənin material və şəxslərin müxtəlif ölkələr arasında daşınmasına yardım etdiyi qeyd olunur. Yeni qərar ABŞ-ın may və iyun aylarında tətbiq etdiyi oxşar sanksiyaların davamıdır. Həmin tədbirlər Çin və Honqkonqda yerləşən bəzi şəxsləri və şirkətləri də əhatə etmişdi. İran son sanksiyalarla bağlı hələlik rəsmi açıqlama verməyib.

Nigeriyanın Borno ştatında məktəbə silahlı hücum zamanı qaçırılan 37 nəfər hələ də əsirlikdədir. Rəsmilərin məlumatına görə, onların 36-sı şagird, biri isə məktəb əməkdaşıdır. Təhlükəsizlik qüvvələri indiyədək səkkiz nəfəri xilas edə bilib. Hücum Lassa yaşayış məntəqəsində yerləşən Dövlət Gündüz Orta Məktəbində imtahan zamanı baş verib. Borno ştatı uzun illərdir silahlı qrupların hücumlarından əziyyət çəkir. Hazırda qaçırılanların azad edilməsi istiqamətində əməliyyatlar davam edir. Hadisə bölgədə təhlükəsizliklə bağlı narahatlıqları bir daha artırıb.

Afrikada varlığını möhkəmləndirməyə çalışan qlobal güc Çin ilə iqtisadi maraqları hədəf alan, Çini cəngəlliklərdə təqib edərək onu mühasirəyə almağı əsas məqsəd qoyan İŞİD terror təşkilatı arasında qarşıdurma qaçılmaz hala gəlib. Regiondakı gərginlik və xaosdan bəhrələnən İŞİD-in bu fəaliyyəti Pekini daha mürəkkəb və baha başa gələn təhlükəsizlik və hərbi seçimlər etməyə məcbur edib.

Hörmüz boğazında yaranan gərginlik və Yaxın Şərqdən enerji tədarükündəki pozulmalar Hindistanı neft idxalını diversifikasiya etməyə məcbur edib. Ölkənin emal şirkətləri Latın Amerikası və Afrika ölkələrindən daha çox neft almağa üstünlük verir, bu isə Venesuela, Braziliya, Anqola və Nigeriyadan idxalın artırılması ilə müşahidə olunur. Rusiya neftinin alınması davam etdirilir, İraqdan idxal isə may ayında müəyyən həcmdə bərpa olunacaq. Analitiklər hesab edirlər ki, Hindistanın bu siyasəti enerji təhlükəsizliyini təmin etmək və Hörmüz boğazındakı qeyri-müəyyənlikdən asılılığı azaltmaq məqsədi daşıyır.

Nigeriyalı hücumçu Viktor Osimhen keçmiş klubu Napoli ilə münasibətlərinin pozulmasına səbəb olan qalmaqallı hadisələr barədə danışıb və rəhbərliyin ona qarşı davranışını sərt şəkildə tənqid edib. Osimhen İtaliya mətbuatına müsahibəsində 2023-cü ilin sentyabrında Napolinin sosial şəbəkə hesabında yayımlanan və onun qaçırdığı penalti epizodunu ələ salan videodan sonra münasibətlərin tamamilə dəyişdiyini bildirib.

ABŞ-ın Afrika Komandanlığının (AFRICOM) komandanı general Daqvin Anderson Nigeriyaya kiçik bir hərbi qrupun göndərildiyini açıqlayıb. Bu barədə məlumat ABŞ Dövlət Departamentinin rəsmi internet saytında yer alıb. General Anderson ötən il Romada keçirilən tədbir çərçivəsində Nigeriya Prezidenti Bola Ahmed Tinubu ilə görüşdüyünü xatırladıb. Komandanın sözlərinə görə, həmin görüşdə tərəflər regionda təhlükəsizlik sahəsində birgə fəaliyyət göstərmək və əməkdaşlıq etmək barədə razılığa gəliblər.

Türkiyə ilə Nigeriya arasında müxtəlif sahələri əhatə edən 9 mühüm əməkdaşlıq sazişi imzalanıb. Sənədlər Türkiyə Prezidenti Rəcəb Tayyib Ərdoğan və Nigeriya Prezidenti Bola Əhməd Tinubunun iştirakı ilə Prezident Sarayında keçirilən görüşlərdən sonra rəsmiləşdirilib.

Türkiyənin xarici işlər naziri Hakan Fidan Ankarada Nigeriyanın xarici işlər naziri Yusuf Maitama Tuqar ilə görüşüb. Bu barədə Türkiyə Xarici İşlər Nazirliyi məlumat yayıb. Nazirliyin açıqlamasına görə, tərəflər paytaxtda bir araya gəliblər. Qeyd edək ki, bu, Nigeriya xarici işlər nazirinin Türkiyəyə reallaşdırdığı ilk səfərdir.

Yanvarın 18-də futbol üzrə Afrika Millətlər Kubokunun final oyunu keçiriləcək. Bakı vaxtı ilə saat 23:00-da start götürəcək həlledici görüşdə meydan sahibi Mərakeşlə Seneqal yığmaları üz-üzə gələcək.