Türk Dövlətləri Təşkilatının (TDT) Xarici İşlər Nazirləri Şurasının qeyri-rəsmi iclasının keçiriləcəyi məkan və tarix müəyyənləşib. Təşkilatın nümayəndələri Türkiyənin xarici işlər naziri Hakan Fidanın ev sahibliyi ilə sabah, 7 mart 2026-cı il tarixində İstanbulda bir araya gələcəklər. Türkiyə Xarici İşlər Nazirliyindən verilən məlumata görə, bu kritik görüşdə təşkilat daxilindəki son proseslər və yaxın gələcəkdə atılacaq strateji addımlar ətraflı şəkildə müzakirə olunacaq. Həmçinin nazirlərin güncl qlobal və regional məsələlər ətrafında genişmiqyaslı məsləhətləşmələr aparması planlaşdırılır.

Türk Mədəniyyəti və İrsi Fondunun maarifçilik yolunda daha bir uğurlu addımı: Fondun prezidenti xanım Aktotı Raimkulova Qırğız Respublikasına rəsmi səfəri çərçivəsində Manas Qırğız-Türk Univesitetini ziyarət edib və təşkilat tərəfindən nəşr edilən kitabları Universitetin kitabxanasına təqdim edib.

2026 -cı ilin yanvar ayında Qırğızıstandan Türkiyəyə 15 min 552 turist səfər edib ki, bu da 2025-ci ilin yanvarı ilə müqayisədə 26,26 faiz çoxdur. Hesabat dövründə Türkiyəyə səfər etmiş əcnəbilər arasında Qırğızıstan vətəndaşlarının payı 0,69 faiz təşkil edib. Nazirliyin məlumatında qeyd edilir ki, 2026-cı ilin yanvarında Türkiyəyə 2 milyon 246 min 639 turist səfər edib ki, bu da ötən ilin yanvarı ilə müqayisədə 3,48 faiz çoxdur.

2026-ci ilin yanvar ayında Türkiyədən Qırğızıstana mebel ixracı 2025-ci ilin eyni dövrü ilə müqayisədə 55,5 faiz artaraq, 626 min 53 dollara bərabər olub. 2026-ci ilin yanvar ayında Türkiyənin mebel ixracı ötən ilin eyni dövrü ilə müqayisədə 7,5 faiz azalaraq, 562 milyon 428 min dollara bərabər olub. Nazirlikdən onu da bildiriblər ki, son 12 ay ərzində (yanvar 2026 - yanvar 2025) Türkiyə 7 milyard 940 milyon 45 min dollar məbləğində mebel ixrac edib.

2026-ci ilin yanvar ayında Türkiyədən Qırğızıstana polad ixracı 2025-ci ilin eyni dövrü ilə müqayisədə 29,2 faiz azalaraq, 537 min 15 dollara bərabər olub. Qeyd edək ki, 2026-ci ilin yanvar ayında Türkiyənin polad ixracı ötən ilin eyni dövrü ilə müqayisədə 12,9 faiz azalaraq, 1 milyard 84 milyon 607 min dollara bərabər olub. Nazirlikdən onu da bildiriblər ki, son 12 ay ərzində (yanvar 2026 - yanvar 2025) Türkiyə 16 milyard 381 milyon 111 min dollar məbləğində polad ixrac edib.

2026-ci ilin yanvar ayında Türkiyədən Qırğızıstana xalça ixracı 2025-ci ilin eyni dövrü ilə müqayisədə 23,8 faiz artaraq, 1 milyon 428 min 44 dollara bərabər olub. Qeyd edək ki, 2026-ci ilin yanvar ayında Türkiyənin xalça ixracı ötən ilin eyni dövrü ilə müqayisədə 10 faiz azalaraq, 206 milyon 372 min dollara bərabər olub.

Qırğızıstan parlamentinin - Joqorku Keneşin yeni sədri (Toraga) vəzifəsinə deputat Marlen Mamataliyev seçilib. Xatırladaq ki, fevralın 12-də parlamentin iclasında əvvəlki sədr Nurlanbek Turğunbek uulu şəxsi istəyi ilə istefa verdiyini açıqlamışdı. O, qərarının könüllü xarakter daşıdığını və ölkədə qalaraq fəaliyyətini davam etdirəcəyini bildirmişdi.

Qırğızıstan parlamentinin - Joqorku Keneşin sədri Nurlanbek Turğunbek uulu vəzifəsindən öz istəyi ilə ayrıldığını açıqlayıb. O, parlament iclasında çıxışı zamanı bildirib ki, qərar tamamilə şəxsi xarakter daşıyır və ona qarşı hər hansı təzyiq göstərilməyib.Sabiq spiker çıxışında ölkədə sabitliyin qorunmasının vacibliyini qeyd edərək, Prezident tərəfindən başlanmış islahatların başa çatdırılmasının zəruriliyini önə çəkib.

2025-ci ilin yanvar – dekabr aylarında Türkiyədən Qırğızıstana xalça ixracı 2024-cü ilin eyni dövrü ilə müqayisədə 2,5 faiz azalaraq, 21 milyon 653 min 5 dollara bərabər olub. Türkiyə 2025-cü ilin dekabr ayında Qırğızıstana xalça ixracını 2024-cü ilin eyni dövrü ilə müqayisədə 31 faiz azalaraq,1 milyon 670 min 98 dollara çatdırıb. Qeyd edək ki, 2025-ci ilin yanvar-dekabr aylarında Türkiyənin xalça ixracı ötən ilin eyni dövrü ilə müqayisədə 1 faiz azalaraq, 2 milyard 838 milyon 524 min dollara bərabər olub.

Bişkekdə uşaq və gənclər arasında böyük tennis turniri baş tutacaq. Yanvarın 30-dan fevralın 1-dək davam edəcək yarışlar Qırğızıstan paytaxtındakı "T-Club" tennis kortlarında keçiriləcək. Tədbirin təntənəli açılış mərasimi yanvarın 30-da saat 12:00-da başlayacaq. Turnir Qırğızıstan Respublikası Tennis Federasiyasının təşkilatçılığı və Dövlət Bədən Tərbiyəsi və İdman Agentliyinin dəstəyi ilə reallaşdırılır.

Qırğız Respublikasına rəsmi səfər çərçivəsində Türk Mədəniyyəti və İrsi Fondunun prezidenti xanım Aktotı Raimkulova ilə Qırğız Respublikasının Prezidenti yanında Milli Elmlər Akademiyasının prezidenti cənab Kanatbek Abdrahmatov arasında görüş keçirilib. Görüşdə, həmçinin Ç.T. Aytmatov adına Dil və Ədəbiyyat İnstitutunun direktoru, akademik cənab Abdıldajan Akmataliev, eləcə də İnstitutun baş elmi əməkdaşı, filologiya elmləri doktoru, manasşünas professor Jıldız Orozobekova iştirak ediblər.

Rövnəq Abdullayev Türkmənistanda SPECA Rəhbər Şurasının 20-ci iclasında iştirak edib.