BAKI,VOA, Fərid Mikayılov

BƏƏ-nin humanitar təşəbbüsü çərçivəsində Qırğızıstanda minlərlə insan üçün iftar və sahur süfrələri təşkil olunub.

VOA xəbər verir ki, Birləşmiş Ərəb Əmirliklərinin Qızıl Ay Cəmiyyəti Qədr gecəsi münasibətilə Qırğızıstanın müxtəlif bölgələrində ümumilikdə 14 min nəfər üçün iftar və sahur təşkil edib.

Məlumata görə, xeyriyyə aksiyası ölkənin bir sıra regionlarını əhatə edib və əsasən ehtiyacı olan ailələrə dəstək göstərilməsi məqsədi daşıyıb.

Tədbir çərçivəsində oruc tutan vətəndaşlar üçün xüsusi qida məhsulları hazırlanaraq paylanıb. Bu təşəbbüs sosial həmrəyliyin gücləndirilməsi və ehtiyac sahiblərinə dəstək baxımından mühüm addım kimi qiymətləndirilir.

Qədr gecəsi münasibətilə Qırğızıstandakı məscidlərdə müsəlmanlar Yaxın Şərqdə sülh və cəmiyyətlər arasında həmrəyliyin möhkəmlənməsi üçün dualar ediblər.

Qeyd olunur ki, BƏƏ-nin Qızıl Ay Cəmiyyəti bundan əvvəl də Qırğızıstanda müxtəlif humanitar layihələr həyata keçirib və regionda sosial dəstək proqramlarını davam etdirir.