Suriyada YPG-SDG ilə bağlı mühüm açıqlama verilib. PYD-SDG-nin Ayn əl-Ərəb (Kobani) üzrə məsul şəxsi Mahmud Berhudan Suriya hökuməti və ordusu ilə inteqrasiya prosesində problemlərin 99 faizinin aradan qaldırıldığını bildirib. Berhudan qarşıdakı bir neçə gün ərzində YPG-SDG-nin ləğvinin elan ediləcəyini və muxtar idarəetmə strukturunun da aradan qaldırılacağını deyib.

Bu ilin yanvar-iyun aylarında Azərbaycandan Suriya Ərəb Respublikasına 194,411 milyon ABŞ dolları dəyərində 575,098 milyon kubmetr təbii qaz (qaz halında) ixrac edilib. Ümumilikdə isə 2026-cı ilin yanvar-iyun aylarında Azərbaycandan 8 ölkəyə 4,105 milyard ABŞ dolları dəyərində 12,431 milyard kubmetr təbii qaz (qaz halında) ixrac edilib. Bu, keçən ilin eyni dövrü ilə müqayisədə dəyər baxımından 436,466 milyon ABŞ dolları və ya 9,6% az, həcm baxımından isə 65,848 milyon kubmetr və ya 0,5% çoxdur.

Küveyt Kolumbiyanın İsrailin işğal altındakı Suriya Colan təpələri ilə bağlı mövqeyini tanımasını pisləyib. Küveyt Xarici İşlər Nazirliyi bu qərarın beynəlxalq hüquqa zidd olduğunu bildirib. Nazirlik BMT Təhlükəsizlik Şurasının 497 saylı qətnaməsini xatırladıb. Küveyt Colan təpələrini işğal olunmuş Suriya ərazisi hesab etdiyini bir daha açıqlayıb. Rəsmi bəyanatda ərazilərin güc yolu ilə əldə edilməsinin yolverilməz olduğu vurğulanıb.

BMT-nin Qaçqınlar üzrə Ali Komissarı Bərham Saleh Suriyanın İdlib və Hələb vilayətlərinə səfəri zamanı ölkədə həyata keçirilməsi nəzərdə tutulan “Düşərgəsiz Suriya” planına dəstəyini açıqlayıb. Saleh İdlibin şimalında yerləşən Mühacir düşərgəsini ziyarət edərək burada yaşayan məcburi köçkünlərin vəziyyəti ilə tanış olub, onların ehtiyaclarını dinləyib.

Suriya Kolumbiyanın İsrailin Colan təpələri üzərində suverenliyini tanımasını pisləyib. Dəməşq bu qərarın beynəlxalq hüquqa və BMT qətnamələrinə zidd olduğunu bildirib. Suriya Xarici İşlər Nazirliyi Colan təpələrinin ölkənin ayrılmaz hissəsi olduğunu vurğulayıb. Nazirlik beynəlxalq dəstəyin artdığını qeyd edib. "Suriya Colanı" ilə bağlı BMT qətnaməsini dəstəkləyən ölkələrin sayının artdığı bildirilib. Colan təpələri 1967-ci ildən İsrailin nəzarətindədir. Ərazi ilə bağlı mübahisə Yaxın Şərqdə davam edən əsas məsələlərdən biri olaraq qalır.

Suriyanın Dəməşq şəhərində yerləşən məhkəmə ölkənin keçmiş hökumətinin doqquz yüksəkvəzifəli şəxsi, o cümlədən sabiq prezident Bəşşar Əsəd, onun qardaşı Mahir Əsəd və təhlükəsizlik rəsmisi Atif Nəcib barəsində ölüm hökmü çıxarıb. Məhkəmə prosesində yalnız Atif Nəcib iştirak edib, digər təqsirləndirilən şəxslər isə qiyabi şəkildə mühakimə olunublar. Qərara əsasən, Bəşşar və Mahir Əsəd beynəlxalq axtarışa verilib.

ABŞ Prezidenti Donald Tramp İranın Yaxın Şərqdə baş verən münaqişələrdə dəymiş zərər və insan itkilərinə görə məsuliyyət daşımalı olduğunu bildirib. O, İranın Livan, Suriya, Yəmən və Qəzzadakı fəaliyyətlərini nümunə göstərib. Tramp daha əvvəl ABŞ-nin də İrandan təzminat tələb edəcəyini açıqlamışdı. Bu açıqlama İranın ABŞ və İsraildən müharibə nəticəsində dəymiş zərərə görə kompensasiya tələb etməsindən sonra verilib. ABŞ prezidenti məsələni gələcək danışıqlarda gündəmə gətirmək niyyətində olduğunu bildirib. Tehran isə Vaşinqton və Təl-Əvivin əməliyyatlarına görə ödəniş tələb edir. Qarşılıqlı ittihamlar iki ölkə arasında gərginliyi artırır. Kompensasiya məsələsi gələcək diplomatik danışıqlarda əsas mövzulardan birinə çevrilə bilər.

Suriyadakı “İŞİD” terror təşkilatı fəaliyyət strategiyasını köklü şəkildə dəyişərək “elitar qüvvələr” modelindən “klaster tipli gizli hüceyrələr” sisteminə keçib. Təşkilat ənənəvi “əraziyə nəzarət” taktikasını “rəqibləri daxildən yaralamaq və nüfuz etmək” üsulu ilə əvəzləyib. Silahlı qruplaşmaları hədəf almaqdan mülki əhalini vurmağa yönələn “İŞİD”, “Ənsar əs-Sünnə səriyyələri” kimi özünə bağlı olan, lakin bir-biri ilə birbaşa əlaqəsi bulunmayan şəbəkələrdən istifadə edir. İyerarxik strukturdan adaptasiya oluna bilən torvari formasiyaya və yıpratma müharibəsi aparan qruplara transformasiya olunan təşkilat bu yolla daxili parçalanma, hərbi çevriliş yaratmaq və ya mövcud gərginliklərdən yararlanaraq yenidən səhnəyə qayıtmaq məqsədi güdür.

Türkiyənin xarici işlər naziri Hakan Fidan Ankarada keçirdiyi mətbuat konfransında İsrailin Qərb Sahili, Qüds və Qəzzadakı hərəkətlərini tənqid edib. O bildirib ki, İsrailin sülh planına baxmayaraq hücumlarını davam etdirməsi Baş nazir Benyamin Netanyahunun sülh istəmədiyini göstərir. Fidan Türkiyənin bölgədə atəşkəsin qorunması və diplomatik həll yolunun dəstəklənməsi mövqeyini bir daha vurğulayıb.

Türkiyə Milli Kəşfiyyat Təşkilatının (MİT) rəhbəri İbrahim Kalın Ankarada Suriyanın xarici işlər naziri Əsəd Həsən Şeybani ilə görüş keçirib.

Suriyanın xarici işlər naziri Əsəd Həsən Şeybani avqustun 6-da Türkiyəyə işgüzar səfər edəcək. Tərəflər terrorla mübarizə sahəsində əməkdaşlığın gücləndirilməsi, Suriyanın şimal-şərqinin mərkəzi hökumətə inteqrasiyası və Dəməşqin təhlükəsizlik potensialının artırılması məsələlərini nəzərdən keçirəcəklər. Görüşdə, həmçinin 2024-cü ilin dekabrından etibarən iqtisadiyyat, təhlükəsizlik və ictimai barışıq sahələrində əldə olunan nəticələr qiymətləndiriləcək. İkitərəfli münasibətlərin institusional əsasda inkişafı, Suriya Xalq Məclisinin fəaliyyətə başlaması fonunda parlamentlərarası əməkdaşlıq və qarşıdakı yüksək səviyyəli səfərlər də gündəmdə olacaq.

İraq Kürdüstan Regionunun Prezidenti Neçirvan Bərzani Dəməşqdə Suriya Prezidenti Əhməd əş-Şəra ilə görüşüb. Bu, Bərzaninin Bəşər Əsəd hakimiyyətinin süqutundan sonra Suriyaya ilk səfəridir. Tərəflər iqtisadi əməkdaşlığın genişləndirilməsi, ikitərəfli münasibətlər və təhlükəsizlik məsələlərini müzakirə ediblər. Görüşdə Suriyanın xarici işlər naziri Əsəd əş-Şeybani də iştirak edib. Liderlər regiondakı son vəziyyət və qarşılıqlı maraq doğuran digər məsələlər ətrafında fikir mübadiləsi aparıblar. Bərzani və əş-Şəra bundan əvvəl iki dəfə Antalya Diplomatiya Forumunda görüşmüşdülər.